منتدى رواية عشق - اكتب اسم الشاعر واللي بعدك يجيب قصيده لهذا الشاعر

منتدى رواية عشق (http://www.r-eshq.com/vb/index.php)

- ♬ دِيوانيـة الشِّعـر ♬ (http://www.r-eshq.com/vb/forumdisplay.php?f=13)

فمان الله يا ذكرى الغرام وما مضى يطوى
طويته مثل ما تطوى سفينة حزني شراعي

غدآ للدمع من عقبك بعيني غبشه ومضوى
بعد ما راحت اوراق البريد وغادر الساعي

تذكرني الاماكن فيك واشتاقك تعب واخوى
على بحة حكاك وضحكتك يا سيد اوجاعي

ما اذكر يوم ناديتك وردك كان لي ايوى
تلبيني لو انك ضايق وتلتف فـ ذراعي

تغامني وخذني ضامي للوصل ما يروى
تكلم يا بعد كل العرب واطرب لي اسماعي

اذا حبك بلى روحي هلا بالعشق والبلوى
اجوع لشوفة عيونك ولا انت بقادر اشباعي

ابيك واعشقك واشتاق واغار بشغف واهوى
محطات الغرام وكل لقيا هزة اضلاعي

يعومسني غيابك كل ما هب اهوى علوى
وكلامك مفرداتك اثرت فيني وفطباعي

عليه بالحرام اني بغيت آموت بس اشوى
عقب ما ضاق بي حزني وقمت آرتب اوضاعي

:::

الشاعر الراحل طلال الرشيد

مكانك مكانك
أموت من فرقاك .. و أموت بلقاك
وأموت من جورك .. و أموت بحنانك
كلٍ قضاه يموت مرّه .. و يفداك
و أنا أموت ألفين مرّه .. عشانك
أذكرك.. لا مني نسيت إني نسيتك
أنساك .. لامني ذكرت نسيانك
رضيت أنا بالهم لرضاك مرضاك
و ارخصت لك قلبٍ جرحته .. وصانك
أجيك في صدري عتاب .. و أبجفاك
و أرجع ألوم الوقت و أقول خانك
أحب فيك .. احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك
مر تجيني لين أقول إني إياك
و مر تروح بعيد و انسى أوانك
أقبل و تقفي .. و اعتذر عن خطاياك
و أقول ما عييت .. عيا زمانك
و إن خانتك دنياك .. أو خنت دنياك
إرجع و تلقابي .. مكانك.. مكانك
قصيدة للشاعر نواف الفهاد

لي صاحب(ن) قلبي لياغاب مقفول ..
... تعجبني فيه أخلاقه .. و ( طيــبة الذات )

له منزل(ن) بالروح ماهو بـ منزول
... لكنــّـه .. يضايقني .. فـ بعض الأوقات

من سبــّــته دمعي تناثر .. تقل لول ..
... و يشتت إحساسي .. وأنا .. كلي شتات

يقول ويش تقول وأقول شـآقول ..؟؟
... هي تغني الأبيات .. لو قيلت أبيات

يقول لو أموت و أمرّ .. منقول ...؟؟
... في ظنك .. تموت السوالف .. وبــ سكآت

ظلــّـيت ساكت .. قال جاوب على طول
... قمت أتلفــّـت .. قال .. يكفي .. تلفـــآت

قلت شـ تبي مني أجاوبك ( لـ حــّــوووول )
... زعلان جاوبته .. و هو .. يبتسم .. هآآآآآآآت

و سوّيت نفسي مندهش منه .. مذهول
... قال .. أنت .. ياخي .. ترفع الضغط مرّآت

و يروح وأنا منكسر .. ( يحسب القول ..
... سهل(ن) على مثلي ) .. و تقفآه .. عبرات

وشلون أسولف له فدى زوله / الزول !!
[ .. أنا / بكيته حيّ .. وشــلون .. لآ مات .. ]

غلاه أثبت .. من تهامة و أبو الهول ...!!
... مثل ( غلآ / زايد ) على أهل الإمارات

أسمه بـ جوآلي .. ( حبيبي البنآدول ) ..!!
... و أسمي بـ جوآله .. ( زعيم المهمــّــات )

لآ جاني من يمــّـه .. رسايل و مرسول ..
... كنــّــه .. يردّ / اللي .. من سنيننا .. فآت

واليوم .. ماهو / صآحي .. أظن .. مهبول ..
... يسألني .. كيف أكون .. ( يبغآله / أبيات )

معقول .. أبأستسهل وفاته .. و معقول ..؟؟
... مابه بشر .. يعوّضه .. ( طيب الذآت )

:
:

الشاعر خالد الفيصل

يا صاحبي هانت عليك المحبة
لا واحسايف عقب هاك المواثيق
جمر الغضا في وسط قلبي تشبه
نار حطبها يابسات المعاليــق
كاس مليته بالوفا لا تكبــه
خله بيلل بالوصل يابس الريق
صبه بقلبي ثم ملّه و صبه
و ان كان ودك غرق القلب تغريق
دام الهوا راسي وراسك يهبه
خذ سجةٍ ترى زمانك توافيق
ترى حلاة العمر مع من تحبه
شخص تريده من جميع المخايق

الشاعر بدر الضبعان

تفضلي اختي.

ودعـت حايـل وكــل أرض ٍ شمالـيـه=مستقبلـي حـدّنـي عنـهـا ومشّـانـي
ودعــت حـايـل شمالـيـه وقبـلـيـه =ودعت ( شمر ) ( بعـد حيـي ) وحيانـي
( أرض الجبـل ) والله انـه ماخلـق زيّـه=والله مامثلهـا يـانـاس شــي ثـانـي
ماهزنـي غيـر دمـع ٍ يـطـري الجـيّـه =(أمي) و (أبوي) و (دموع أهلي) و (خلاّني)
أشتقت لـ( أمـي ) أشوفـه كـل عصريّـه=بالبـاب تاقـف تحـرّى رجعـة أخوانـي
أشتقـت لـدْلال ( أبــوي ) الله ياهـيّـه =( ابو بـدر ) مزبـن المضيـوم والعانـي
أشتقـت ( لخوانـي الخمـس ) الشقرديّـه=أشتقـت لعـيـال حارتـنـا وجيـرانـي
أشتقـت ( لجبـال حايـل ) كـل فجـريّـه=مـن قبـل لايصـدح المـذّن بـالآذانـي
والله يــا أرض حـايـل كــل شتـويّـه=تسـوى ربيـع الجزايـر وأرض لبنانـي
الله ياهـمـي كـنّـه جـمـرة ٍ حـيّــه =أخفي دموعـي .. وحـر الشـوق بكّانـي
يـادار حاتـم تـرى لـو طالـت الجـيّـه =والله لرجـع وانـا مشـتـاق ولهـانـي
ودعـت حايـل .. وكـل أرض ٍ شمالـيّـه=لكن أبرجـع لهـا لـو عمـري أمدانـي

مطلوب قصيده للشاعر حمد السعيد

تفضل خالد ..

ياللي غيابك طال

ياللي غيابك طال وبحقي اخطيت
هذا شهر ما اشوف للوصل نية

هن كانت اسبوعين لكن تماديت
في غيبتك كنك تنفذ وصية

لعبت باعصابي ولا قلت مليت
لا راح اقول باكر مجية

عانيت بغيبتك انا حيل عانيت
يابغضني للبعد يا رحم حيه

عقبك مشاويري من البيت لليت
اخاف لا دقيت ماني هنيه

الله ياني في غيابك تحريت
اثر المفارق صعب ماهو شويه

هذا شهر وش عاد لو انك ابطيت
والله لتلقى لك هنيا ضحيه
البارحة مابين يمكن ويا ليت
وابليس يتركني ويرجع عليه

فكرت لو طول غيابك ولاجيت
يعني كذا روحه ومن غير جيه

خانتني الدمعة وطاحت وصديت
ملعون ابو التفكير يذبح خوية
,
,
قصيدة لـ احمد الصانع :34: