شعري كانه يهمك جاك لعيونك
لابو قصيد تردى فيك ماصانك

وكان القصايد ترد احساس مفتونك
اصير شاعر غزل كله عشانك

للصبر حد .. ووحشتك مالها حدود
ياللي غلاك أصبح مع الوقت عاده

أشتاق لك مع سايق النفح والنود
وأوله عليك أكثر .. واحبك زياده

يعني من الله هالغلا يـوم لـي جيـت
ومـن الغـلا لاغبـت شوقـي يبيـنـي

لو لا العمد والساس مايثبت البيـت
و لو لا الغلا ما كـان شالتـك عينـي

تاخذني الذكرى مع الليل واجيك
في داخلي يا شوق لهفه عظيمه


اعيش كذبه في سعاة لياليك
ذيك الليالي الماضيات القديمه


ارحل عن الواقع وازورك والاقيك
واضم طيفك وسط روح سقيمه


اهنا معك يا بعد عمري واهنيك
وانسى معك ذل الزمن والظليمه


يا حاضري نفسي شفوقه لماضيك
ذكراك باقي بالضماير مقيمه


احب طيفك كثر ما احب طاريك
احب هرجك والنوايا السليمه


احب فيك الحب والقلب يغليك
غديت بعدك في حياتي يتيمه


احتاج لك بالضيق ودي أحاكيك
نفسي اشتكي لك هالجروح الاليمه


يا بعد عمري كل ما بي يناديك
فرقاك عندي للسعاده هزيمه


عجل على قلب حياته بياديك
ارجع وخلك عن عذابه نديمه .

الشهر يمضي ماتقل غير يوميـن
واليوم مثل الساعه اصبح حسابه
القلب غافل واكثر الناس لاهيـــن
ماحسّبوا والوقت فيه انقلابـــــــه
دنيا تقلب كنها أرماشت العيـــن
شوفو طريق الدين وامشوا صوابه

الليل و الام السهر والتفاصيل
وأنتي ونبضات الحروف وقصيده

مانقدر نوصل سوى صورة الليل
وشلون وأنتي عن عيوني بعيده

اشعارنا هالوقت حزن ومواويل
موضوع مافيه النهايه سعيده

والحب بعيون البشر فيه تمثيل
قصة قديمه والبطوله جديده

صغار ماندري عن الهم و الويل
نريد والله يفعل اللي يريده

نحب , نجرح , نترك , نعدل ونميل
مو حب هذا صار [صيده م.صيده]

جعل السحاب اللي معه وابل السيل
يروي ضمى قلب جروحه تزيده

يشكي فراق ام الرموش المظاليل
ام الحلا وام الصفات الفريده

هذيك مالي عنها اي تبديل
بيدينها تبري الخفوق وتبيده

صدت عسى سكة جفاها تساهيل
والله له القدره بخلقة عبيده

قولو لها ؟؟؟؟ معاه التفاصيل
وكل يوم يكتب عن غيابك قصيده