مرض التصلب المتعدد
 

📌مرض التصلب المتعدد او (Multiple sclerosis)
من الامراض المناعية فيها جهاز المناعة بيهاجم الجهاز العصبي و يأثر علي طبقة الميلين الي بتغلف الالياف العصبية ... للاسف ده هيأثر علي السيالات والاشارات العصبية ...
هيأثر علي الجسم هيعمل الم للجسم والعضلات .. تنميل وخدلان في الاطراف ... الشعور بالارهاق الدائم ..الضعف ... تغير في المود .. ممكن يسبب ضعف النظر او ياثر علي العين ...واعراض تانية علي حسب كل حالة ...
الاعراض في فترات ممكن تكون مستقرة اوقات تانية ممكن المريض يدخل في flare او بنسميه نشاط للمرض ... عدد مرات الانتكاسة او النشاط بتختلف حسب استجابة الجسم للعلاج حسب كل حالة ....
الدراسات قالت ان النظام الغذائي الصحي بيجيب نتيجة مع الحالات ويحسن حياتهم اليومية وبيقدرو يتحركو افضل وبيقلل من فرص دخول المريضة في انتكاسة او نشاط المرض .....
بكتيريا الامعاء النافعة من الحاجات الي لقو انها مهمة جدا في المحافظة علي صحة الجسم والمناعة و بنسميها ( بروبيوتيك ) بتحسن الهضم وصحة الجسم بشكل عام ... وبتحسن حالات ال (’MS)
البروبيتويك متوفرة في بعض المكملات الغذائية وفي الاطعمة زي الزبادي ..المخلل..
الكيميتشي و ده كمان مخلل بالطريقة الكوري بيحتوي علي كرنب ...
عشان نغذي البكتيريا النافعة دي لازم يبقي في اكلنا (بريبيوتيك)

📌 معظم الاطعمة المحتوية علي الالياف زي :
خرشوف
ثوم
الكراث
البصل
الفاكهة
خضروات
المكسرات والبذور
البقوليات ، مثل العدس
كل الحبوب
أرز بني
الالياف بتحسن حركة الامعاء وتحافظ علي الوزن من السمنة ... بتظبط معدل السكر في الدم والكوليستيرول وبالتالي بتحافظ علي القلب ...
فيتامين (د)
في دراسة قالت ان فيه علاقة بين نقص فيتامين د والتصلب المتعدد ... وان المحافظة علي مستوايات الفيتامين بتقلل من نشاط المرض ..
الفيتامين بيتصنع في الجسم من التعرض للشمس كمان موجود في البيض .. منتجات الالبان .. الاسماك الزيتية والسالمون ... والحبوب المدعمة بالفيتامين ...
(البيوتين) ... واحد من مجموعة فيتامين ب ... مهم جدا موجود في البيض .. الخميرة ... الكبدة . اللوز . البروكلي. خبز الحبة الكاملة ..
(الدهون المفيدة) زي زيت الزيتون والزيت الحار او زيت بذر الكتان ...
مضادات الاكسدة ... زي الفاكهة . الخضار .. البقوليات والحبوب ..الشاي الاخضر .. والاعشاب ...
العنب كمان من الفواكه الي بتحسن MS
الاكل الي نبعد عنه هو اللحوم المصنعة والدهون المهدرجة والمشبعة المشروبات الغازية والسكريات .. الملح .. الاطعمة المقلية ... والوجبات قليلة الالياف ..
فيه دراسة كمان قالت ان النظام الغذائي الخالي من الجلوتين بيفيد المريض .🔚

أتمنى لكم الصحه والعافيه

سلمت الايادي
ويعطيك العافية لـ جمال الآنتقاء
لروحك جنائن الورد .

اسعدني مرورك الانيق
شكرا لك

اسعدني مرورك الانيق
شكرا لك