كف كافي
 

كف كافي ​

جم مرة احلفت متخون​

وترد اردود وتجافي​

عليمن تذرف الدمعات ​

وانته بطبعك محيل​

وماعندك كلب صافي​

تتحايل علية انوب ​

وتكول الوفة عندي ​

وانته من الوفة حافي​

كف كافي ​

كف كافي​

خمس اسنين متحملك ​

وانته النوب متعافي​

شلتك محبس بجفي ​

وشلتك دمعة بعيوني​

وزرعتك وردة بظفافي​

لتحاول تجي البابي ​

ولتهيج كلب مجروح​

يل جرحك بعد للحين ماشافي​

كف كافي​

كف كافي​

صار وياك متعذب​

خمس اسنين مو كافي​

ليش وياي متعادي ​

وتحب تشوفني مهموم ​

وتحب الاه بشفافي​

الياوكت وانته متكبر ​

والظلم صاير شعارك​

ضميرك ماصحى غافي​

كف كافي ولك مغرور​

خليني بجنح مكسور​

بعد تبتر اطرافي​

لو انه رضيت انعود ​

ورديت الهواك اردود​

منهو يكفلك توافي​

كف كافي ​

كف كافي​

بقلمي ​

مجيد السيد​

كلمات راقية ومعبرة
صح لسانك اخي

مودتي مع الختم والنشر

كلمات جميلة جدا
صح لسانك
وعلا شأنك

-


من يُحبك بكُل جوارحه
لن يقبل أن يرأك حزينًا
سيحاول أن يُزيح همك حتى لو لم يكن هو مصدره .
من يُحزنك بِـ مُسمى الحب , هو لا يُحبك بالاساس
لذلك ابتعد عن كُل ما يؤذيك حتى لو كان قلبك !

كلمات جميلة جدًا اخيّ مجيد .
ما شاء الله عليك
كُلما قرأت لك يزداد اعجابي بقلمك اكثر فـ اكثر
مُبدع و جدًا ما شاء الله عليك
لديك احساس مُبهر للغاية
سلمت الأنامل اخيّ مجيد
و لا حرمنا الله من جديدك
,
والله يعطيك الف عافيه
لك ض2