هاي القصيده الك تعال اقراها,,
 

هاي القصيده الك تعال اقراها,,
::::
اذا ما صرت قائد ذيل لتصير
عاد ابهل مجال احفظ مقامك,,,
,,
واذا ردة سلامك بيها تاخير
غلس لا تعيد الهم سلامك!
,,,
لا تنطي تقدير الماله تقدير
وبالك تحترم قبل احترامك!!
,,
واذا شفت الهوه ايجيب الاعاصير
اهنا ريض ولتطير حمامك!
,,
اختار الحجايه البيها تدبير
وأبد لترافك اليجهل كلامك,
,,
الما وزن عدل معناها تزوير!
لتكثر عله الشين اهتمامك!
,,
ترى اغلب البوك امنالنواطير,
لا تستعجل ابسيل اتهامك!
,,,
ابنفسك اتباها ابلايا تقصير
وراها انوبه واتباهه ابعمامك!
,,
الثقه مو حلوه لوما بيها تحذير
حتى اتخلي خط رجعه ابمرامك!
,,
اذا ماخفت الله ابامرك اتحير
حلالك رايح ايضيع ابحرامك!!
,,
العباده الربك ابحكم التقادير
شعلينه ابصلاتك وبصيامك!!
,,
اذا تكعد (وتظلم) نومتك خير
نام وارحم الناس ابمنامك!
,,,
الكبالك حجه ابحلو التصاوير
الحجي ابمكفاك راح ايهد ملامك!
,,,
ترى مايبقه طاير ذاك اليطير
يطيح اكبالك ايخاف انتقامك!!
,,
ولا كلمن وكع وتظنه ميصير
ممكن يوكف وانته ابحطامك!
,,,
يوسف صار عالي وهو بالبير
يعني الشده يحكمها التزامك!
يعني الشده يحكمها التزامك,
حسين االساعدي

انتقاءك جميــل
يعطيك العافيه يارب , ع الموضوع ! دمت ودام ابداعك
ودي

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

الله يعطيك العافية على الابداع في الطرح
مودتي

-





يعطيك العافيه يارب , ع الموضوع
دمت ودام ابداعك ف سما عشق ...