تدلـل والبسـاط قلبي
 

تدلـل والبسـاط قلبي , وأنـا لرضـاك مديـتـه
على طاري مساء الورد, وإسمك, والحـلا والـذوق


ذكرتك يـا أجمـل أحلامـي , بقافـي واستهليتـه
على درب القصيد أسوق , قلبي والخطـاوي شـوق


وإذا مالت بـي الخطـوة , علـى دربـك تناسيتـه
يهز الشـوق بأعماقـي , عناقيـد الغـرام عـذوق


ويقطف بالغلا فيني , غـرامـ(ن) خنـت وأخفيتـه
أحبك كثر ما يشعل , غرامك فـي حشـاي حـروق


وشبٌه زود لو يحرق , ضلوعي مـت مـا اطفيتـه
أحبك دمعتـ(ن) طاحت , على خد الصباح اشـروق


يموت النور لـو طاحـت علـى كفـي , وضميتـه
أحبك , إيه أحب إسمك . وأمـوت بجيـدك المنتـوق

و تخيل كثـر مـا أكـره صـدودك , قمـت حبيتـه
تموت من البطا غيمه,طعنها مـن جفـاك بـروق


وغشى روض الحشا وسمي , جفافك وإنت ما أرويته
رحلت , وما بقى منك سواك إنت , و عنـا مفهـوق

عنـا ذاك الربيـع اللـي , غشانـي مـا تمنيـتـه
تعال , إجرح على كيفك , تربـع واستحـل عـروق


تدلـل والبسـاط قلبي , وأنـا لرضـاك مديـتـه
قم إسهج لآخر ضلوعـي, تغلغـل داخلـي برفـوق


حلالك ما بقى منـي , مـع اللـي لأجلـك أفنيتـه
من اللي من غديت أجمل قصيدة ما غـدا لـه ذوق


ومن اللي كتـب باسمـك قصيـده وإنكسـر بيتـه
وربي , من كتبت إسمـك وبروزتـه بقلبـي فـوق


وأنـا مـا دار فـي بالـي , قصيـد مـا تحاليتـه
دخيل الدمعتين اللي, غـدت منهـا الخـدود شقـوق


ترفق سامحك ربي , علـى قلـب(ن) لـك أهديتـه
إذا لك حق في قلبي , فأنا لي فـي غـلاك حقـوق


و حقوق الشوق محفوظـة , وحـدي مـا تعديتـه
يذكرني صباح الورد , وإسمـك , والحـلا والـذوق


وأردد يا ( أجمـل أحلامـي ) بقافـي يـوم هليتـه

سلمت يدآك طرح جميل
ننتظر جديدك بشوق
يعطيك العآفيه

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

يعطيك العافيه طرح رائع
https://j.top4top.io/p_20675m8ml0.gif

أختيار جميل جدا
سَلمت على هذهِ الأطروحه الأنيقه

تحيآتي