خُلقتْ لي
 

اللي سكن خافقي وفرْحَتْ به أركاني
لولاه حولي يا شعري من تغني له


هو أول إنسان ضميته بوجداني
إحساسي العذب لا كُنت بمقابيله


لا سلهم بعينه انْسى اسْمي وعنواني
وإذا تكلم حبيب القلب ياحليله


سعادتي في الحياة يعيش باحضاني
واناظره واسرح بكامل تفاصيله


معاه مَ احتاج للقاصين والداني
نسيت به ماضي العمر وغرابيله


أنا معاه إلتقيت بنُصِّي الثاني
إذا تبسم تروم النفس تقبيله


هو راس مالي عن الباقين أغناني
اللي يقرب لها واللهِ يا ويله


إذا ازعلت كل خلق الله عدواني
وابليس يسقيني الشر بفناجيله


واذا رضت شفتهم أهلي وخلاني
ريموت مودي بيدها أمر تحويله


أحبها حب ما حبيته اخواني
رغم إنهم عندي السَّعْد ومعاميله


هي نبض قلبي وهي دمي وشرياني
أموت لو تبتعد عن عالمي ليلة


لأنها جات للدنيا على شاني
إحساس مَ اقدر ولو حاولت تبديله




سُهيل

الف شكر لك تحياتي على الطرح المميز
سلمت يمينك وبوركت جهودك الرائعة
تحيتي واحترامي

يسلمو على المرور

طرحَ عَذب ..!!
أختيآر أنيق وحضور صآخب
سلة من الوردَ وآنحناءة شكر لسموك