منتدى رواية عشق - انا كده احسن بقلمي الشاعر محمد البهلوان

منتدى رواية عشق (https://r-eshq.com/vb/index.php)

- - انا كده احسن بقلمي الشاعر محمد البهلوان (https://r-eshq.com/vb/showthread.php?t=280352)

انا كده احسن بقلمي الشاعر محمد البهلوان

https://www2.0zz0.com/2025/06/25/09/219499614.jpg

انا كده احسن
انا كده رايق
انا كده فل
ومش متضايق
وعال العال
ماشي وسايق
كل همومي ولا في بالي

انا كده حلو
وطظ في كله
العمر جميل
حلوه ومُره
وان كان ع الجرح
حد يقوله
انا كده احسن انا كده رايق

مبسوط
انبساط مظبوط
وزمان
اللي فات ما يفوت
عشان
الفرح اعدي شطوط
الصعب معايا سهل وعادي

ولا تستاهل
عايش حياتي انا من الأخر
عشان سعادتي ايوه بعافر
لو الهموم كترت أسافر
من الفرحة بأخد تأشيرة
ولا تكشيرة
ولا أنام حزين مرة في ليلة
علي قد ما انا شايل شايلة
شايف الحياة حلوة جميلة
لو حتى من الُمر انا دايق

انا كده احسن انا كده رايق
انا كده فل ومش متضايق
وعال العال ماشي وسايق
كل همومي ولا في بالي

بعمل حاله
زي الطيور كده رحاله
ببعد عن الناس الباله
الغدارين اللي محاله
اسامح في اللي يوم خاني
وارقص اغني
في ايه في الدنيا يألمني
لو حد فيها يوم عاكنني
بعمل طناش اصل ده فني
وأرجع جميل بعد دقايق

انا كده احسن انا كده رايق
انا كده فل ومش متضايق
وعال العال ماشي وسايق
كل همومي ولا في بالي

بقلمي الشاعر محمد البهلوان
يحظر نقل او نسخ العمل دونن الاشارة للمصدر وصاحب الكلمات

ابدعت بكلماتك وحروفك
كلها احساس ومشاعر
من قلمك الجميل والرائع
انتظر ابداعك القادم
لك 1000مشاركه وختم ونجومي ونشر

تمت لاضافه لك

نَصَّ شَاعَري رَقِيقٍ جَمِيل
أَهْنَيك عَلَى هَكَذَا نَبَض خَرَجَ مِنْ بَيْنِ أَضْلَاع قَلَمِك
لـعَبَقِه نَنْثَر الْوَرْدُ وَالنُّجُوم
دُمْت بَاذِخ

--
آهلن بـ كاتبنا المبدع
الله الله ع سحر وجمال قلمك
أبدعت بـ قلمك المميز ولـ كلماتك
جميل ان تبوووح مابخاطرك
يعطيك العافية و يسلم يمناك ض2

م شَاءَ اَللَّهُ
رَوْنَق جَمِيلٍ وَمُكْتَسَبٍ رَائِع. . .
طرحٌ قِيَمِ وَعَطَاءِ لَافِتٍ . . .
شُكْرًا لِهَذَا اَلْجَمَالِ اَلْمُمْتِعِ
لِرُوحِكَ اَلْجُورِي:x7: