لا تشتكي حالك على كل من جـــاك



لا تشتكي حالك على كل من جـــاك
بعض البشر يفرح إذا قلت مهمـــوم


يخفي سمومه بين همك وشكــــواك
يشمت بحالك والحصيله شقا ولوم


واحذر من اللي ينقل الهرج لعـــداك
يظهر لك الطيب وهـو منــه معـــدوم


قلبـــه مريض ويخلط السم بـــدواك
يعرض عليك الرأي والرأي مسموم


وابَعَـــدْ عن إللي يستغلك لا جــــاك
تلقـــاه دايـــم بين الأخيـــار مذمـوم


احسب حسابك في كلامك ومعناك
وسط المجالس كل ما ادليت بعلوم


خل سمعك اكثر من كلامك وفتواك
تلقى القــدر يمك من الناس ملـزوم


ولا تذكر افعالك بما تجود يمنــــاك
عنك الولي يدري ولك الخير مقسوم


وخلك مع إللي يشتكي لك وينخـاك
بك ينتخي من ضيم الأيام وهمـــوم


خذها وصايا تسعـدك دوم دنيـــاك
واحفظ معانيها تحفظك من اللوم


مما استوقفني

يعطيك العافيه و تسلم الأيادي
أستاذي ومديري العزيز رهيف
جزيل الشكر والإمتنان