ليتك تشوف الحال
ليتك تشوف الحال يازين وتروف
نفسي من الفرقا تزايد خطرها
اللي بروحي لك من الود معروف
ليتك تصونه دام حبك اسرها
ما ترحم اللي بعد فراقك مصدوف
دمعه على خده من اجلك نثرها
كم ليلةٍ مرت وانا القلب ملهوف
كم ليلة مرت اسامر قمرها
اسهر طوال الليل والهم بالجوف
الهم في روحي عليكم قهرها
هذي عيوني تشكي الهجر بحروف
متى تبي تطفي لهايب سهرها
عين جزت عن لذة النوم بالشوف
يرجع منام العين قربك نظرها
|