03-23-2020
|
#22
|
حرف الفا لا نطق ترقص حروفه
شـوق قلبي يم قلبه خذاني
انطرب واطرب على صوته وشوفه
وترسي احلامي على شط الاماني
ما يشابه غير نفسه في وصوفه
مستحيل يشاركه بالشوق ثاني
عربي الاصل بالفخـر تندى كفوفه
من هل الوقفات عربين المجاني
لو اوصفه بالشعر مابين ظروفه
اجيبها جزلات و ابياتي سماني
ما يعاندني بيوما ولا بان خوفه
من علومه كنه سهيل اليماني
و ان تكلم كلامه حلو كنه معزوفه
يطرب السامع بتوصيف المعاني
الشعر في حضرتي يبدي كسوفه
أنظم فيه الابيات في ربع الثواني
سلسبيل الشعر مايبغا بروفه
مايعاني بالشعر عقلي مايعاني
نمدح اللي بالحلا طبعه يحوفه
أقدّمه للناس من حبه سقاني
الجزالة ساكنة بأعلى رفوفه
والحلا بالوصف مايبنيه باني
الله اللي جمّله بنفس عطوفة
والنفس فيها على وزنه لساني
صاحبة مبدأ ولي نفسٌ عيوفه
ما سواه احدٌ بقلبي له مكاني
بقلمي وحصري
|
|
|
|
|