مابين دمعٍ اغرق احداقي وجفنٍ محتويه
مابين دمعٍ اغرق احداقي وجفنٍ محتويه
ونفسٍ تكابر تمنع عيون الرجل لاتنثره
وقلبٍ ذبل ذابت عروقه نار بعدك تكتويه
وروحٍ نحتها عزتي عن دربك اقفت مجبره
ومشاعرٍ لاقلت هو من صد صاحت ليه ليه
لو صد مهما صد هذا لاتحاول تنكره
اقفيت انا اسحب خطوتي من درب تيه لدرب تيه
كني كمن اخطى الطريق بليل مظلم وغبره
وغديت سكّه للهموم ليا انتهت به تبديه
انا دروبٍ موحشه والهم بي طال سفره
انحت بي من ارض العقل لحدود منزال السفيه
وياليتها دام رحلت بي عن حدوده مقصره
لاني وصلت لمرحلة بالضبط مدري ايش ابيه
ولاني بقيت بدائرة منهو كسوره يجبره
لاني هناك ولا هنا ضايع ولكن ماعليه
هنا كثير استوطنوا قبلي سبب فرقا مره
لكن وانا ذي حالتي تايه وكلي لك عليه
ولابيني وبين الجنون الا كما عرض شعره
بقولها لك والذي كل الخلايق ترتجيه
اللي صنعها محكمه جوه وبره وبحره
من بأمره الأسمر يضيع ابه الحَمَار ويكتسيه
والصبح بأمر ينتصر فيه الحمر ضد اسمره
انه فلا غيرك بشر اشفق على ملامس يديه
رغم ان ماغيرك بشر دخل حياتي ودمره
ولا غيرك بهالكون احد يسوى ولو كلمة ابيه
ولا فيه ماضي غيرك انتي يستحق اتذكره
واللي بيخفي صورتك ياسيدي بدري عليه
ولو فيه شيءٍ يطمسه يمكن تراب المقبره
|