هي فين
هي فين و انا فين
أحلامي التايهين
انا فاكر عدا سنين
دا يدوب يومين
لسا المشوار طويل
مش علي بعد ميل
لسا هتزن و هميل
و هشوف ناس تانيين
و أحلامي بردو تايهين
نفسي اعرف فين
كله غيري بيحلم و عارف رايح فين
و انا تايه مش عارف منين
ابدء منين و هوصل لفين
انا اصلاً مليش هدف و لا حلم
بس تفتكر العيب من مين ؟
مني عشان محلمتش
و لا العيب من مين
العيب من الناس الفاشلين ؟
اللي فضلت فاكرهم ناجحين
و واخدهم قدوه كبيرة ليا
و لا تفتكر العيب فيا
عشان اتعميت و عميت عنيا
و شوفت الناس وحشين
رميت عليهم عيوبي
و لا انا فعلاً مشوفتش الدنيا
فعلاً مشوفتش الدنيا حوليا
مشوفتش الحلو فيها و فيا
و مطلعتش الحلو اللي جوايا
و فضلت باصص تحتيا
مبصتش لايام كتير جايه