منتدى رواية عشق - عرض مشاركة واحدة - اشقر على أشقر لـ الشيخ محمد بن راشد آل مكتوم

#1 10-21-2022

اشقر على أشقر مثل ما الحر لاشقر
يجمع معاني الزين كامل معانيه

متميز بالوصف مخبر ومنظر
اجمل وصوف الحسن متجمعه فيه

افرح بشوفه لى جماله مصور
والقى منى عمري إذا اما ألاقيه

وإذا اشوفه كن جسمي مخدر
ويدق قلبي كل ما مر طاريه

يا عود مياس بحسنه تخطر
هزه هوانا ثم تثنى من التيه

ان قلت هانت زاد في قلبي اكثر
صاح الصويب ولا سمع من يلبيه

الله واكبر كيف العيون تسحر
وكيف الهداب اتصوب اللي توديه

لو هو جرحني في الوداد وتعذر
صويب سهم مالقا من يداويه