منتدى رواية عشق - عرض مشاركة واحدة

#1 02-29-2024

مش مهم اضحك او ابكي

من امتي اهتميتوا بيا

مش مهم السنين تعدي

ايه اتغير ما هيا هيا

الظلم فيا يا ناس قوية

وعلي الضعيف مستقوية

ذنبي قلبي اني طيب

ذنبي عايش دور ضحية

واللي جاني من زماني

في الحكاية جرح وقاسية

يا دنيا كفاية ولا لسه

لسه فيه كمان شوية

الخيانة في وشوش جبانة

عامله نفسها ان هيا

بالبراءة نايمة وطفولة

في الملامح الغبية

وهيا هيا هيا هيا

نفس الوشوش نفس القضية

والقضية ليه خسرانة

ما المظلوم قلبي وعينيا

ومهما اصرخ ومهما ابكي

كل الناس مش حاسه بيا

نفسي امشي منها وارحل

ولا اعيش في دنيا تانية

كل صبح بغسل فيه وشي

كل نهار على الدنيا ديه

نفس همي ونفس حزني

نفس الدمعة رايحه جايه

يا دنيا هو انا اللي ببكي

ولا انتي اللي جايه عليا

بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات