طلبك اخوي / قصيدة الشاعر حجاب بن نحيت
حبيبي يا حبيبي وش بيدنا = زرعنا الزرع لكن ما حصدنا
و هذي حالة اهل الحب دايم =من اللي قبلنا واللي بعدنا
الى قالوا استرحنا وانتهينا= حسدهم شخص مثل اللي حسدنا
وهالحساد ما نقدر نجدهم = وحنا الى بغى الحاسد وجدنا
فيا ربي تعرقل كل حاسد = او يا رب ما هم في بلدنا
لأجل الناس يرتاحون منهم= ويسلم منهم الاقصى والادنى
ويا اهل الحسد يوم انتصرتم = ويوم إنا عن البعض ابتعدنا
انا ودي اعرف اللي كسبتم= كسبتم لا رقدتوا ما رقدنا
ولكن يا اهل الحسد اطمئنوا= تعاهدنا وشهدنا وشهدنا
وكما إنا نبي منكم شهاده =على هذا لأجل ما يخون احدنا
حبيبي لو تطول ايام بعدك = على طول الزمن يبقى عهدنا
|