جيتـك بلهفـة عاشق .. و عقل رجـال
ماجيت اسومك مثل هالناس بالمال
ولا جيتك أصغر في عيونك ولا اطيح
جيتـك بلهفـة عاشق .. و عقل رجـال
وقلب ٍ يشـوف إن الحنايا.. مراجيـح
في نظرتي حلم ٍقطفتــه.. من البـال
وفي خطوتي عمر ٍ خطفته من الريح
جيت بقصيـد وحب وأحـلام وأمـال
طــلاب قـرب ٍ طاولتــه التبـاريـــح
لـي في عيونك عشره و بيت وعيـال
وفي يديك لي دبله وعشـرة مصابيـح
جيتك وقلبي فيه من عشق الأطفـال
لا حـب قال احـب من غيـر تلميــح
سلمتك أمره وأنتي ادرى بالأحوال
لا تتركينــه فـي دروب المجــاريــــح
أما يعيـش الطفـل فـي صـدر رجـال
وإلا يمـوت الطفـل بيـن المـراجيـــح
|