الجزء الرابع



في غرفة محمد ...
محمد : امجد امجد
امجد : لبيه محمد خلا ص بتتعب نفسك لاتتحرك بجيك ؟
محمد : امجد ابي اسألك عن البنت الي كانت معاي بالسياره ؟ سمعت عنها شي ؟
امجد : ساره ؟
محمد : ايه ساره حبيبتي وينهاا ومن وين عرفتهااا ؟؟
امجد : تطمن هي بخير ماصار لها شيء خطير ان شاء الله شوي وتحسسن
محمد دمعت عيونه : الحمد لله يارب
.................
في غرفه ساره
كانت راما جالسه بالقرب من ساره وتناظر لها وشافتها تتحرك وتفتح عيوونهاا
راما كانت بتطير من الفرح ..: ساره حبيبتي انتي بخيـر ؟! الحمد لله على سلامتك ياقلبي .
ساره ابتسمت بس كانت مو قادره تتكلم ..
..........
في بيت ابو محمد ...:
ابو محمد : يلا يارغد وام محمد البسو بسرعه عشان نروح لمحمد اليوم انا بوديكم ..
رغد : واااااي اخيرآ يابابااا نطلع مع بعض انت دائماا مشغول مشغول طفشنا من كثر مانروح مع السواقين .. يلا ياماما بسسسرعه بابا بيودينا
رغد هذي بنت ابو محمد عمرها 17 سنه وتدرس بالثانوي هي بنت كيوووت حلوووه ودلوعه بس مشكلتهاا عنيده شوووي ومشكلجيه وتعودت اي شيء تبيه تجيبه
ام محمد امراءه رااقيه وتهتم بنفسهااا عمرها45 بس الي يشوفها يعطيها عمر 35 مووو مبين عليهاا الكبر لأنها شياكه وكشخه وفي نفس الوقت طيبه جدا جدا
وقلبهاا حنووووون .
طبعااا امجد توووه من اسبوعين نقل ودخل الجامعه مع محمد وكمل دراسته هوو جاي من مدينه ثااانيه بعيده كان ساكن مع امه
امه من بعد وفاة ابووووه بفتره تزوجت رجاال ثاني وسكن امجد مع امه (وعمه )زوج امه وكان عمه دائما يظلمه ويشغله عنده ويعذبه
بس لما كبر امجد ماقدر يتحمل هالظلم وقرر يروح عند عمه ابوو محمد ويسكن عندهم وفعلا رااح وعاملوه احسن معامله
ام محمد مررره حنووونه معاه ومحمد كان مثل الأخ وابو محمد مثل ابوووه
...................
في غرفة محمد :
محمد : امجد ابي منك طلب اذا تعزني .
امجد : لبيه امر عيوني لك .
محمد : تكفى خذني لساره ودي اشوووفهاااااا اناا السبب في الي صار لهااا ..
امجد : وشوووو ؟؟ لا انت انجنيت ؟؟ انت تعبااان كيف تروح ؟!!
محمد عصب : اقووول خذني لها الحين ابييي ارووووح ولا اقووول خلاص وخر لا تساعدني انا بقوووم لحالي
أمجد : لا لا خلاص انا بساعدك وامري لله
اخذ امجد محمد ويمشيه بخطواااات متثاقله للحين متـأثرر بالحاادث
دخل محمد وامجد غرفة سارهـ كانت راما جالسه لكن لما شافتهم فزت من مكانهااا ووقفت مصدوومه
امجد : اسف على الأزعاج بس محمد يبي يشوووف ساااره
ابتسمت رااما وراحت لسااره مسكت يدهاااا
راما : ساره ساره حبيبتي شووووفي مين جاء يزورك ؟
فتحت عيونها ساره والتفتت يم الباب
دخل محمد يمشي ومتكي على امجد وناظر لساااره شافهاا طريحه على السرير الأبيض وحالتهاا متغيررره والكدمات على وجهها وتناظر له ...حالتها ماتسرر
عرف في داخل نفسه انه السبب في كل هالشي الي صار لساره تذكر في هاللحضه كل الأيام الحلووه والمره الي بينهم
تذكر وش كثر كان يعذبهاا وكانت متمسكه فيه .. تذكر وش كثر كان مجافيهااا ويروووح مع غيرهاا وهي تشوفه و تبكي ..
تذكر وش كثر كان شايف نفسه ومغرور .. ورغم هذا كله مااستسلمت كانت شاريته وتبييييه ..
في هالوقت ماقدر يتمالك نفسه ويوقف انهااار على الأرض يبكي ويلوووم نفسسسه
ساااره فهمت من عيووونه وش فيه ..
ساره بصوت مبحوح : محمد .. احبك
وبعدها صااارت تبكي وتبكي وتبكي وراما تمسك بيدها وتهديهااا
امجد كان ماسك محمد ويحاول يساعده يقووم ويمشي يروح يم سااره
قرب محمد لساااره وانهار يبكي على صدرهااا ويقوول سامحيني انا السبب انا السبب ...!!!
رفعت يدهاا ساااره وحطت يدها على شعر محمد وهو نايم على صدرهااا .. وتقووول : سامحتك ياروحي.. لأني احبك
كان منظرهم يقطع القلب ....
امجد وراماا ماقدرو يتحملوووون المووقف
وقفوو يناظرون من بعيد فيهم ويبكوووون ...
.................................................. ..
في غرفة محمد
دخل ابو محمد وبنته وزوجته بس ماحلصوو محمد
خافووو كلهم ..
ابو محمد راح يكلم الحارس الشخصي لمحمد : محمد وينه ؟؟؟
الحارس : اخذه امجد وطلعوو براا الغرفه ..
ابو محمد :يعني وين رااحو ؟
الحارس : والله ماادري ياعمي
ابو محمد لرغد وزوجته : اجلسووو هنا بالغرفه وبروح ادور على محمد وراح ارجع ؟
رغد : طيب يابابا ان شاء الله خيرر
ام محمد : طاحت مكانهاا ماقدرت تشيلها رجولهاا خايفه يكوون صار في محمد شيء
.....................
طلع ابو محمد معصب يدور على ولده
سأل الممرضات قالو له انهم شافووه دخل الغرفه رقم 16
رااح ابو محمد يم الغرفه وقف عند الباب ... تجمد من هوول المنظر !!!
كان محمد يبكي على صدر ساااره ويقووول سامحيني ...
وراما وامجد واقفين ....
دخل ابو محمد معصب ...
محمد محمد ... <<< كل الي بالغرفه وقفووو مصدووومين
محمد رفع رااسه يناظر لأبوووه : نعم يبه ؟
ابو محمد : وش قاعد تسوووي هنااا عند هذي البنت ؟؟ وانت ياامجد ماوعدتني تنتبه لمحمد ليش مطلعه من غرفته وهو تعباااان !!
محمد : يبه هذي ساااااااره الي كانـ...
ابو محمد : قوووم قوووم لغرفتك وحسابي معاك بعدين انت وأمجد
محمد : بس يبه اناا...
قاطعه ابو محمد وهو يصااااااااااااارخ :بلا بس بلا بطيخ يلاااا قدااااااااااااااااامي
طلع امجد وهوو ماسك محمد يساعده يمشي يم غرفته ومحمد يشهق ودموعه على خدهـ
الممرضات والزورا بالمستشفى كلهم يناظروون في محمد
ومحمد مافكر في احد كل تفكيره في ساااره وبس
بقى ابو محمد بالغرفه .. قرب يم سرير ساره ..
ابو محمد: لو سمحتي ماابيك تتعرضين لولدي ولا تتقربين له اذا انتي بنت ناس ومتربيه
ان كان قصدك فلووس ولدي وثروته احلمي تتزوجينه وراسي يشم الهواء .. فاااااهمه ..
وطلع ابو محمد برااا الغرفه
رامااا وقفت مصدووومه !!! وسااااره صعقت من الكلام الي سمعته ... وانهلت وتبكي ودموعها على خدهااا
حاولت تهديها راما لكن لاحياة لمن تنااادي !!!
...........................
في غرفة ابو محمد :
دخل محمد وامجد الغرفه ..
فزت رغد وام محمد
ام محمد..: محمد ووووش فيييييييك ياوليدي خوفتنا عليك ؟؟!!
وتضم محمد وتمسح دموووعه
محمد : يمممه انا و سااااره ..
ام محمد : خلاص خلاص هد نفسك وبعدين نعرف الموضوع ..
دخل ابو محمد الغرفه : وجلس يصارخ على محمد
انت ماتربيت تبي تشوه سمعة عائلتنا مع هالبنات الواطيات الي مانعرف حتى اهلهم ولا مستواهم انت عمرررك ماتسمع الكلاااام كم مره نصحتك ؟!!
وانت ياامجد : انا ماوصيتك على محمد وانت قلت ابشر وين راحت وصيتي ..
امجد : ياعم حراااام عليـ.....
ابو محمد : بس ولا كلمه ... خلاص من اليوم ورايح مالكم قعده بهذا المستشفى
والحين بجهز اوراقك يامحمد تنقل لمستشفى ثاااني ..
محمد .. : لاااااااا يبه تكفى مااقدر ابعد عن سااااره ..
قررب ابو محمد وعيونه فيها الشرار وهو معصب : باقي تقوووول اسمهااا ؟؟؟!!! وكان بيعطي محمد كف على وجهه بس تدخل امجد ومسك يد عمه
طلع ابو محمد معصب من الغرفه ويجهز اوراق محمد حتى ينقل مستشفى ثاااني ...
.
..............................
في غرفة ساااره
كانت ساره تبكي وراما تضمها وتهديهااا
دق جووال ساره ..
اخذت راما الجوال وانصدمت لما شافت شاشة الجوال
( ماما نظر عيني ) يتصل بك ..
راما : ساااره ساااره هذي امك خذي ردي انا وعدتهم تكلمينهم اليوووووم قلت لهم انوو مافيك شيء بس نسيتي جوالك معااي وقت المذاكرة
ردت ساره على الجوال .. وهي تمسح دموعها
ام سااره : الووووو
ساره : هلا يمه
ام ساره : كيفك يابنتي ان شاء الله بخير وينك اتصل عليك ماتردين ؟؟
ساره : لا ابد بخير يمه بس كان عندي اختبار
ام ساااره : وش في صوووتك ؟؟ تعبااانه ولا صاير فيك شيء ؟؟؟
.........................

يتبع

ياقلبها ضمة خفوق
آنامل ذهبية وذوق راقى جدا فى التصميم
وابداع ليس له حدود تسلمين ياروح أختك للاهداء

-
رهيف
هوه السند الوحيد الذي لم يخذلني بعد الله