كونك مطلقة أو أرمله

يبقي اتحكم عليكي
تتحملي الغباء والظلم المجتمعي..
لو اتجوزتي راجل متجوز

يبقي انتي ست خرابة بيوت..
لو اتجوزتي شاب يبقي
اكيد ضحكتي عليه عشان تتجوزيه
او عملتيله عمل..
لو فضلتي من غير زواج
اكيد فيكي عيب وتبقي مقضياها

وماشية علي حل شعرك..
لو أحتاجتي تحسي باﻻمان

بوجود راجل معاكي
وده الطبيعي
ﻻي ست تبقي ست شاذة

وكل تفكيرها في الرجاله..
لو ضحيتي ومااتجوزتيش
علشان اﻻوﻻد

يقولوا بكرا هايرموكي
وهاتفضلي لوحدك

وﻻ حد من وﻻدك هاينفعك
ويخوفوكي من الغد المجهول..
لو احتفظتي باﻻوﻻد

واتبهدلتي في تربيتهم

يبقي بتشيلي حمل مش بتاعك
وتستاهلي

وارميهم ﻻبوهم خليه يحتاس.
لو سبتيهم ﻻبوهم
يبقي انتي ام قاسية رامية

وﻻدك وخديهم

حتى لو تشحتي بيهم..
لو صاحبتي واحدة متجوزة
تبقي خايفة منك..
لو صاحبتي واحدة مطلقة

يبقي إتلم المتعوس
على خيب الرجا..
لو اشتغلتي في مجتمع مختلط
يبقى اكيد

علشان تصطادي عريس..
لو اشتغلتي مع الستات
بس يبقي

انتي رجعية ومعقدة..
اي راجل بتقابله ولو صدفة

يبقي عاوز يرتبط بيها

مش حب فيها ﻻﻻﻻﻻﻻ ﻻ
سمح الله بس عشان جوازه
رخيصة مش هاتكلفه حاجة..
لو حصل %1 واتجوزتي

راجل محترم
يبقي بيتسلي شوية معاكي

ويتلكك ﻻي حجة ويقولك

جيتي علي كرامتي
ويرميكي...
مع ان لو حصل مشكلة كبيرة
مع مراته اﻻولي

يلم الدنيا ويصلح

علشان العشرة والعيال..
وكأن اللي بينكم كان رز بلبن

مش عشرة بردوا

عادي مش مشكلة

ما انتي اطلقتي قبل كدا ايه

يعني هايحصل لو اطلقتي تاني...
لو ابتسمتي وانتي بتشتري

اي حاجة تبقي ست صايعة..
لو كشرتي او حتي اتكلمتي بحزم

تبقي ست نكد

هو جوزك سابك من شوية!!
قال رسول الله صل الله عليه وسلم

"من لا يَرحم لا يُرحم
لكم كل تحياتى وتقديرى
الدكتور علــى