الحب الوفي الفصل السابع

بسم الله الرحمن الرحيم
وبه نستعين
الفصل السابع
مرت خمسة شهور على وفاة مريم والصغيرة اصبح حالها يحنن وكانت دوماً تبكي عاوزة امها وايضاً عمتها الفى الشمال ؟ وقرر حمزه السفر الى الشمال وادخال الصغيرة المدرسة هناك ترك اولاده وسافر ومعه الصغيرة فاطنة ؟ وعند وصوله البيت وجد امه واخته وبنت عمه فاطنة حبيبة الصغيرة فاطنة فى البيت مع امه وقفزت الصغيرة فوق عمتها وقعدت تبكي بكاء مر يقطع القلوب ؟ وقالت لوالدها انا ما ماشة معاك تاني بقعد هنا مع حبوبة وعمتى فاطنة ؟ قال ليها خلاص اقعدي معهم وانا كل كم شهر بجي اشوفك وارجع خلاص مبسوطة ؟ وطوالى مشت مع عمتها الى بيتها تارك ابوها مع امه واخته ؟ وبعد مرور اربعة ايام قالت له امه انت براك شايف ياولدي تعلق الصغيرة بعمتها وهي كمان متعلقه بيها وهي كمان مسكينة ما عندها جنا اها قلت شنو نشاورها ونعقد ليك عليها وهي البشوف مصلحة البنت وين اها قلت شنو ياولدي ؟ ويرد حمزه والله يايمة انا ما عندي مانع بس الكلام فاطنة بت عمي ؟ وتقول امه خليها على ان شاء الله محلولة وفى اثناء حديثهم جات فاطنة ومعها الصغيرة وطوالى الحاجة امينة قالت لها ؟ اسمعي يا بتي تراك انتي براك شايفة ود عمك حمزه وحالتهو مع الصغيرة والصغيرة ما بدور زول غيرك انتي من هي صغيرة انا حسع كنت بتكلم مع ود عمك تمشي انتي تعيشي معهم فى بلدن داك وبعدين المغرب يمشي يكلم عمه ويعقد عليك وياهو ود عمك انتي ليهو وهو ليك وان شاء الله يرزقك منه الله بالجنا وتسكت فاطنة ؟ وطوالى الصغيرة تقول ليها عليك الله ياعمتي تمشي معانا وهنا تبكي فاطنة وتقول ليها ؟ خلاص بمشى معاكم ونعيش سواء خلاص مبسوطة وتعانقها الصغيرة فى فرح وتنط فى رقبة حبوبتها فرحانة ؟ ويقول حمزه الى بنت عمه خلاص يافاطنة بعدين بعد صلاة المغرب انا بجي البيت لعمي عشان نحدد اتمام الزواج والاسبوع الجاي نسافر عشان انا عندي اجازة عشرين يوم بس وكمان عندي هناك اعمال مع اخوه مريم يعقوب عمل تجارة ؟ ويخرج حمزه ويترك امه وبنت عمه مع بعض ؟ وتقول الصغيرة يابوي بنسافر بتين ؟ ويرد ابوها انتي ماقلت قبل اربعة يوم تاني ما بترجعي معي حسا الجد شنو ؟ وترد عمتي ما ماشية معانا اقعد هنا اسوى شنو تاني ؟ ويضحك حمزه ويقول ليها بعد اربعة يوم بنسافر خلاص ؟ وترد كويس ياابوي وعمتي معانا ؟ ويرد ان شاء الله ذهب حمزه الى ابن عمه اخو فاطنة فى دكانه واخذ يتجاذب معه اطراف الحديث ؟ ثم قال له حمزه يا الطيب انت عارف وضعي كيف بعد وفاة المرحومة ام الاولاد وكمان البنت لسه صغيرة تحتاج الى رعاية وانا مع شغلي ما بقدر عشان كدا قلت اتزوج من اجل رعاية الصغيرة وانا احسن من فاطنة بت عمي ما بلقا مرة تكون امينة على وعلى جناي اها قلت شنو انا بعدين بعد صلاة المغرب بجي لعمي فى البيت عشان اطلب يد فاطنة وانت براك شايف الصغيرة متعلقه بيها كيف انا قلت اكلمك انت فى الاول وبعدين امشى لعمي ؟ ويرد ابن عمه الطيب والله ياحمزه انت اخوي وانا اعرفك كويس وما عندي فيك اعتراض بس ست الشان هي لها الكلمة الاولى والاخيرة ؟ ويقول حمزه انا حسع خليت فاطنة مع امي والصغيرة فى البيت وامي كلمتها وكمان الصغيرة قالت لها لازم تسافر معها بس انا قلت لازم اكلمك انت فى الاول وان شاء الله لوكان فى العمر بقية نكمل

سلمت الايادي
ويعطيك العافية لـ جمال الآنتقاء
لروحك جنائن الورد .

اقتباس:

المشاركة الأصلية كتبت بواسطة Şøķåŕą

سلمت الايادي
ويعطيك العافية لـ جمال الآنتقاء
لروحك جنائن الورد .

اسعدني تواجدك في متصفحي وقراءة روايتي المتواضعة وان شاء الله القادم احلى
من القلب كل الود والاحترام

..




طرحَ عَذب ..!!
أختيآر أنيق وحضور صآخب
سلة من الوردَ وآنحناءة شكر لسموك

اقتباس:

المشاركة الأصلية كتبت بواسطة غـُـلايےّ

..




طرحَ عَذب ..!!
أختيآر أنيق وحضور صآخب
سلة من الوردَ وآنحناءة شكر لسموك

اسعدني تواجدك في متصفحي وقراءة روايتي المتواضعة وان شاء الله القادم احلى
من القلب كل الود والاحترام

رائعه جداااااااااا كلماتك المميزة
دام لنا قلمك المميز
مودتي