ياكَلبي كافي بعد

ياكَلبي كافي بعد
يرتاح خلي ألخلكَ مو كثرن جروحه ..
ولا تعتب اعله الوكت وتصير مثل الشمع
غيضه يطشره ضوه من ياكل بروحه ..
ولا تمد روحك نهر تنعاف لمن تشح
بس صير مثل الكَمر يتمنه اليلوحه ..
كلشي انكشف للنهر لمن حياته انتهت
محد دفن جثته براحتهه تاكل بقت بجروفه الملوحه ..
وكَدام عينك شفت ضل اعله طوله الجبل
روج الحجي من فزع ما ثلم اسفوحه..
المن كَاعه عوده طري ينحني بنسمة هوه
والمشكله يقتنع ويصير مرجوحه ..
ما أخذ عبره الزرع
لمن خله من الثمر جدم الفلح داسه ..
اووصي الشجر ينتبهه
ليصير خالي كلب ويعاشر الفاسه ..
البين عليهه الكبر والشيب مثل الجفن
ملتف على جذعهه ما تنحسب ياسه ..
فلاح طبع البشر والناس مثل الزرع
بيهم اليسكَي وفه وبيهم حصد ناسه ..
بسرك بعد لا تثق
بير الجنت بي تثق ما ضملك احجايه ..
والراعي طبعه حلو ما يشكي همه البشر
همه يعزفه شجن من يختلي بنايه ..
جدمك عرف خطوته
ما حاجه يغلط بعد ويرد يماشي الريح ..
اليعله اعله ناسه شبر ويكَول غيمه صرت
لابد تسطره الشمس ودموع ذله يطيح ..
الليل ثوبه ستر بس من يضكه الصبح
ينساك صاحب جرح ميسمعك شما اتصيح ..
لتماشي كلمن سكت وبثاره ما داعه ..
ولا يطر صدر البحر ويلاوي جف ألهوه
الماضابط اشراعه ..
الكَطع اغصانك حطب
بي لاتأمن بعد وتخضر بكاعه .


محمدابوالعز

طرح جميل وموفق ربي يعطيك العافيه
ولا ننحرم من جديدك الدائم
تحياتي

سلمت يداك على الطرح الراقي
جزاك الله خيرا وبارك الله فيك
لك اعجابي وتقديري

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

طرحت فابدعت دمت ودام عطائك
سلمت اناملك الذهبيه على ماخطته لنا
اعذب التحايا لك
لكـ خالص احترامي

-




يعطيك العافيه يارب , ع الموضوع
دمت ودام ابداعك ف سما عشق ..,