إنتى أجمل حد شوفته بالوجود
قلب مليان بالمحبه
قلب بيضم الاحبه
كل حته فيكي أصلا حب معرفلوش حدود
قالوا تحدث في الجمال
قلت التي أحببتها من مثلها
قالوا الأناقه والمحبه والدلال
قولت هي رمز لها
قالوا ترى هي من تكون ؟
قلت هي إنثي بها
كل المحاسن كلها
بتشوفها نور وكانها
محروسه من عين الحسود
وآيات يس بتزورها دايما في المنام
وكأنها متحصنه بكل الحنان
علشان علينا تفرقوا
وتدوقوا لقلوب بتتمنى الحنان
بسم الإله الواحد الفرد الصمد
بسم الذي خلق البريه من عدم
والأرض من ماء جمد
أرقيكي من عين اللي شافك
واللى عارفك واللى حبك
واللى مرة حط إيدة جوة إيدك
واللي قالك يوم عشقتك
أرقيكي من عين العزول
لو كان حبيب
وأرقيكي من عين القريب
إن كان معاكي أو غريب
وأرقيكي من عيني كمان
حضنك أمان
لو بسمه منك تشفي كل الموجوعين
والله وقلوبهم تطيب
يمين بالله ومهما العمر بيا يطول
وأعيش سنوات
راح اكتب إنى حبيتك
بدون أسباب ولا تفاصيل
وعارف إن فيه غيري بدا الإعجاب
وكان نفسه يدق الباب
يجوز شاعر يجوز فنان
يجوز طبعه وشكله جميل
لكن قلبي خلاف الناس
يجوز إنى عارف نفسي
وليكي بميل
ونفسي بفرصه أثبتلك
بإن الحب دا هديه من الرحمن
بينزل جوا في قلوبنا بلا استئذان
مبيفرقش كام عمرك؟
وايه شكلك ؟
وليه حبيت؟
بيجي في لحظه وتحسه
ينسيك عمر م الحرمان
أكيد نسلك مهوش عادى
ولا مخلوقه من الصلصال
أكيد جيالي من جنه
مزيج رائع كـ نور علي نار
عجيب السحر في عيونك
وفي كونك ومكنونك
ومين شافك بيبقي بلحظه مجنونك
وبيفكر ليالي كتار
يا إنسيه ماليها زى
وجنيه بفنون العشق .
. بتملا قلوب محبيها
سعادة وضي
تنور كل شي في الكون
وحَبها حتي طوب الحي
منيش عارف راح اكتب ايه؟
وكل كلامى مش قادر علي وصفك
فقولت يجوز أغنيلك
لقيتني كمان منيش قدك
ومطوى طي
وحب الناس دة كنز كبير
وربنا بيه كمان وهبك
بيسكن حتى عمري الجي
هنيئا للى شافوكي وحبوكي
وليا كمان أنا جدا
لو أكتب شعر يوم عنك
هتبقي قصايدى ملهاش زي
عضويتي 
منيش قدك ,, كلمات تامر النقيب ..
العرض الشجري
