تضمدني بجرح وتكلي هذا دواك.!!

ردتك بس الك ماردت غير انسان .. شعجب وياي انت اتغيرت اطباعك

غيروك الشماته؟ لو واهسك راح؟ .. شو تذكرني بس من تكثر اوجاعك

خليت المصالح عنوان حبك هاذ .. جا شنهي الوفه مشيول من كاعك؟

ترسب بالعشك وتاخذ صفر وياي .. بس وسفه نجحت وياي بخداعك

فهمني انا ذنبت؟ انا غلطت وياك؟ .. تضمدني بجرح وتكلي هذا دواك.!!

جنت اداويلك جرح بدموع العيون .. مخزنهن الك من يوم فرقاك

لكنك صعب جامد احساس وياي .. حقدك للاسف من صخر خلاك

لا تعرف تحب لا تدري شنهو الشوگ .. وانه قلبي تيتم من الاشواگ

اذا غيري يخونك بالضحكه تتلكا .. وتكاون هالكًلب لو مره شاقاك

ع لسان الشماته تحط شكر يهواي .. وانه اكطع لسانه المره حاجاك

تسمعهم عشق ويه فلان وفلان .. جا شنهي شعجب اسمي تعداك

كللهم تركته وخنته ويه الغير .. وكلهم من ورايه فقط حنظل ضاك

اضم اسراري عندك مااضم بالروح .. تاليهة الكاها معلكه بعتبة شفاك؟

واصيحن اسكت لاتفضح الاسرار .. واجي والكاها نكته لهذا ولذاك

تذكر من ردتهم راحو منك بساع .. وقلبي المنجرح بدموعه واساك

كالولك نعشكك لو صرت زين .. وكتلك يهودي لو تصير اهواك

جا ليش العشك عندك سحابة صيف .. كل دورة سنه يمكن تمر بسماك

تجرحني بكلامك وتذب ملح ع الروح .. واكولن لا يولفي انت حاشاك

ماعاتب ابد ولاكولن انت الشين .. بس اكلك فقط غلطان من سماك

انت تلميذ العشك وبالخيانه استاذ .. وخادم للوفه ولقصر الجذب ملّاك

قبل جان البشر يطبر ركاب الناس .. بس جذبك بشر وانت الطبر خلاك

ياقيسي اليفيدك حتى احاجج بي .. وانا القيسي اجاني يلعن بملكاك



ابليس استغفر الله وبطل الالحاد .. من شافك جذب مخبوط طين وياك

تعشك الف بالقلب ماعاتبك يهواي .. بس اعتقد من حقي لازم انساك

راح ابتعد وانسه العشك والشوك .. ولعنة الله ع الزمان الهيج سواك

انتقاء ثري بالذآئقه

سلمتِ ودآم رقي ذوقك

كل الود لروحك
~~

شكرا لعبق الجمال ..
دام العطاء الراقي..
لروحك سعاده لاتنتهي

يعطِـــيكْ العَآفيَـــةْ..
عَلَـــىْ روْعـــَــةْ طرْحِـــكْ’..
بإآنْتظَـــآرْ الَمزيِــدْ منْ إبدَآعِكْ ..
لــكْ ودّيْ وَأكآليلَ ورْديْ

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

جّلبْ انيَيق وَمميُز
وَعِطاءْ رآقيُ وَجميلْ ..
تسِلم ايُديكْ يــآربَ ..
ولاعَدمنا جمُآل إطِلالتك
تقِديُري ِ ،’