نزل بيت ابو ذيه راق لك

فتاة كانت تحب شاب وكان الشاب عسكري فقد يده اليمنى في الحرب نام في المستشفى وهي لاتعلم وفي هي المده اجبروها اهلها على الزواج وبعد مده شافت الفتاة الشاب مقطوع اليد تأثرت جدا فسمت حبيبها على اسم جبل شمران
الف وسفه على اليمنى يشمران
وفيه وماخنت شخصك يشمران
تقاليد السلف صعبه يشمران
خذوني جبر من غصبن عليه

بسموم الصيف من غبتو بردنه
وشبه طفل المحى دموعه بردنه
بمبرد ليل وحشتكم بردنه
الكلب ويه الجبد حزهن سويه

سرت بجفاك تالي الليل وي ذيب
بحماده وكلبي شمعه اعليك وي ذيب
االوكت ينگل مصايب سود وي ذيب
عله راسي وبين المضموم بيه

زوجة شهيد ��
تمشي بالطـريق
وإذا بشاب يشاكسها وينظر لها نظرت سوء
فقالت ..
دير عينك
شوف دربك
ليش تباوع وراي
كاعي يبست ماهي خظره لاتدور بيها ماي
اني رجلي انطاك عمره شيل وجهك من كفاي
رجلي من التحق كلي وين ائمنج صعبه هاي
كتله امانت ستري عندي وداعتك يبقه بحماي
رجلي زلمه وانت زلمه بس الفرق كلش هواي
غازل الموت اعلمودك اتغازل بعرضه انت جاي
روح يبن الناس لهلك اني محتاره بعشاي..

هجرني بلا ذنب غفله ..... تركناي
المصايب كامت بكلبي..... تركناي
ترك بغيابه مو ونه ........ ترك ناي
وعزف طور النعاوي اشكال بيه

وحك الشال بيده الماي :::: ورمـــاه
تراني كليبي من فركاك :::: ورمـــاه
خبط دمــه
كثر همــــه
صــفت لمـــه
سحب سهـــمـه
إنطـــلق ثمـــه ..
سهمك صاب لب حشاي ::: ورمــــاه
وحفظته بصــدري چي منك هديــه ....