حبيبي شوف ما فيني أدور ضحكتي وبكاي
تمنيتك قدام عيني لقيتك ساكن عيوني
حبيبي ضمني بسكات مع أنفاسك لقيت إدفاي
ولا حضـن مثل حضنك مع الضمه يدفيني
حبيبي وردتينك ماء و أنا هد الضماء بشفاي
نشف ريقي ولا لي حل سوى شفاتك تلبيني
حبيبي همسك الدافي على صوت الحزن والناي
تذوبني حروف اسمي على لسانك تناديني
حبيبي كرر أحبك وأنا حبي يكون إنداي
ابي تروي بها قلبي تموتني وتحييني
حبيبي دمعتك هزت عروش ساكنه بقصاي
وأنا اللي كاتم العبره بكيتك قبل تبكيني
حبيبي دمعتي سالت وأنا أدري بعلتي ودواي
دوايه لو تبسمتي ما كانت حايره فيني
حبيبي والدلال أنواع تدلل في ربوع إحشاي
واذا صادفت جرح بي تخيل من يداويني
حبيبي لمست ايدينك تنسيني تعب وشقاي
ونظرة عينك بعيني هموم الوقت تنسيني
حبيبي طال بي صمتي وأنا صابر على فرقاي
تعال ولملم جروحي رجيتك لا تخليني
حبيبي ذابت عيوني وذوبت السهر وياي
ولو كان السهر يشكي صرخ مني ويشكيني
حبيبي ما بقى تصوير رجيتك تدمحين إخطاي
هنا شابت معاني الحب وعزاي انك تحبيني
حبيبي كرر أحبك وأنا حبي يكون إنداي
ابي تروي بها قلبي تموتني وتحييني
لامست احساسي
الأعضاء الذين قالوا شكراً لـ لَـحًـــنِ ♫ على المشاركة المفيدة: