اكتب اسم الشاعر واللي بعدك يجيب قصيده لهذا الشاعر

اتفضل

ماني حزين...حمد البريدي



لاعتني الدنيـا وجربـت السنيـن !!
وانا احمد الله عـن غثاهـا واشكـره

اطوي همومي وسط قلبي واستعيـن
الطيب .. آداريه / واللاش.. احقـره

ما دامني مركي على الضلع المتيـن
اللي يبـي فرقـاي .. محـدٍ يجبـره

تعبت من ذااا اللي بجرحـه يستهيـن
وانااا اتدارى كل جرح (ن) .. واستره

حشمـت غلطاتـه لعيـن الطيبيـن
وهو يزيد الجـرح بالجـرح اشكـره

يمدلي يسرآه وامد آليميـــــن
يامهول الذنب العظيـــم ومكبـــره

قسـم .. قسـم بالله رب العالميـن !!
ما يوجع الصاحـب ولا هـو يقهـره

إلا الرفيق اللي قطع عـرق الوتيـن
اتلى العهد به فـي يمينـه يبتـره !!

شيضيق بالرجال يا العـذر السميـن
مهما عذرته فالزمـن مـا يعـذره !!

يا هل النفوس الضايقـه لا تستحيـن
ما تاقف الدنيا علـى ( سبـة مـره )

اللي خطـا مـره .. فحـده مرتيـن
والعفو مهمـا كـان عنـد المقـدره

ومن طاح من عيني ترى ماني بحزين
( البعد من بعض المخاليـق خيـره )

.
.

الشاعر سالم سيار

ليه..؟!
هذا هو اللي تبيه..اني ارحل من حياتك..
واشعل عيوني ب ليه..
بس خلاص..
هذا هو اللي قدرته وقدرك ربي عليه...؟
بذمتك هذا كلام ..؟
اني ارجع من جديد ..
ارجع افرش كل تعب عمري وانام..
زين لحظه.. لسألوني الناس وينك..؟
وان دروا ضحكه عيونك عن عيوني فارقت..
سافرت ردت لعينك.. بذمتك وش اقول..
قول..قول..
قول قول الله يخرب بيت بيتك.
توني يادوبي بديت ..بعت عمري واشتريتك..
خطوه ..خطوه...واشتريتك
توني باطراف البدايه
مدري وشلون انتهيت..
ياأخي حسّ ..والله عيب إللي تبيه..
إني ارحل من حياتك وأشعل عيوني ب ليه..لا
لاجبينك شمس واحساسك مطر..
لاعيونك شوق وشعورك دفا..
جبت لك بإيدي ابتسامات العمر ..
ليه تكسرها على اطراف الشفا...
شوف.. شوف بعثرني احتياجي بالنظر..
شوف وجهي إمتلا منك ب أفا ..
ما تجي منك ولكن يابشر:
منت اول من طعني بالجفا..
إبركتهن كل جروحي بالسهر..
ولا افكر من ورا قلبك شفا..
ولّ ياقلبك ما يجيب الا القهر ..
ولّ ياعمرك ماعرف طعم الوفا..
وإلا انا مثل النهر ابقى نهر..
من تحوسه ..ترجع تشوفه صفا..
فيني والله احساس لامنه ظهر..
يشعل ضلوعك اذا قلبك طغا..
هذا هو اللي تبيه ..؟ وهذا هو اللي قدرته؟؟
وقدرك ربي عليه ..بذمتك هذا كلام ..؟
اني ارجع من جديد..
ارجع افرش كل تعب عمري وانام..
وين اروح....؟
شلون اجيب لقلبي المجروح روح
هذا هو اللي تبيه.. !؟


للشاعر : سالم سيار


// الشاعر : فهد الشهراني

(فهد الشهراني)


مديت لك .. واخذت مني .. ولا اعطيت
وطلبتني في شي وخذيت كل شي
وسامحتك لأني في حبك تماديت
وامسيت لي واصبحت في الصبح مو لي
بلا سبب ما اخطيت .. وان كاني اخطيت
اخطيت يوم اهدي ضميري وهو حي
المشكلة قَفيت عن وافي الصيت
وسايرت ناس باعت لحومها نِي
غروك من قدح الفلاش وتناسيت
ان الفلاش يموت في حضرة الضي
شبيت نارك في حماي وتدفيت
ماتدري ان صافي لواهيبها في
والحين نارك كنها نار كبريت
وانا بحر والبحر ماضرهـ الكي
شف نار راس العود ان كان شبيت
بتهينها لا ولعت قطرة المي


بن فطيس

في غيبتك ما ألد منا ومنا
ذكراك تملى وحشتك في غيابك

بالوقت في شوفة حلاك اتهنّـا
في وقفتك في مشيتك في ثيابك

لاجل العيون الناعسات اتغنّـا
الله يخلي لي غـلاك وشبابـك

البوح لك في شوفتك ما تسنّـا
مثل الكفوف الى شغلها التشابك
الشاعر حمد البريدي

عندي أمل مهما ولهت وتباطيت
إن قلبي اقرب له من اقرب ظلاله
.
عشرة وفا .. ما بار فيني ولا ريت
منه سوى رقه وعطف ونباله
.
غايب وخلى بالحشا ديرة و بيت
هذي فناجيله .. وهذي دلاله
.
كن فقد صوته كل ما اصبحت وامسيت
شايب وفاقد شوفة اغلى عياله
.
لا يحسبني كل ما غاب .. سجيت
ما دام قلبي يوم حبه وفا له
.
مهما فعل .. مهما حصل .. ما تخليت
عنه ولا عن حب رجوى وصاله
.
اربه يجرب غلاته .. يبلفيت
ما ذاق قطع الوصل بيشين حاله
.
والله مهوب اشلاله يروح وآبيت
على هماج الحزن فاقد زلاله
.
خفت اني مخطي في حقوقه وزليت
وفليت كل ارشيف عمري قباله
.
اشوف وش سوى وانا ويش سويت
هذاك هو قفى بقلبي وشاله
.
ما طاعني عن العرب يوم صديت
يحرجني اللي ما يخبي سؤاله
.
احد : يقول اني من الحب مليت
واحد : يقول اني من الحب داله
.
وانا من الدنيا واهلها تغانيت
باللي سكن في وسط جوفي لحاله
.
حفظت سره في ضلوعي ولا افضيت
ما للبشر عازه بقلبي وحاله
.
يمر بالي بالثواني ويا ليت
ادري .. انا كم مره امر باله

(

محمد جار الله السهلي

)

عطيتني فرصه اتعلق باحد غيرك
واليوم حسيت بان فراقنا خيره

ما عاد ابي شرك ولا عاد ابي خيرك
انسى مثل ما نسيت وفضها سيره



طلال الرشيد