الرائعة حاء

اقتباس:

المشاركة الأصلية كتبت بواسطة حاء

_

أنا أشوف السفر حرية رأي , في كثير اماكن الانسـان وده يزورهـا خارج أو داخل الدولة .
النفس تشتهي
بعدين إذا جينـا للحق السيـاحة الداخلة غالية مو رخيصه مثل ما انت مصورنها, و الفنادق غالية و الكل يشتكي من هذه الأمور .. و يقول يزيد المبلغ شوي و يروح الخارج أفضل لو كان يبي شيء افضل
المقصود هُنـا الاماكن السياحية , اللي الجو فيها حلو و فيها طبيعه تفتح النفس
أنت تقدر تحجز سعر رخيص في الداخل بس يقولون تدفع نفس السعر و تسكن في أفخم فندق هناك في الخارج .
" كلام ناس نعرفها شخصياً يحبون يسافرون بالخارج "
و بالنسبة للطيران جربت الطيران الداخلي على الطيران السعودي الشخص ب 1200 تقريباً غير السكن ماراح تقل الليله عن 400 في فندق مُتوسط ..
يعني اسعـارهـا راح تقارب اسعـار الخارج , بس انت تقدر تتابع العروض و تشوف لك سعر مُناسب بس إذا مستعجل مو شرط تحصل لك اللي يناسبك .
قبل فترة حصلنا طيران للمدينة المُنورة عرض كان رايح جاي ب 412 و الفندق كان غرفة ثلاثه اشخاص ب 1000 و شوي أربعة ايام أذكر طلعت الرحله ب 800 للشخص الواحد بدون مصاريفك الشخصيه بالنسبة لي سعر كويس صراحة , بس المشكله في الرجعة صادف ضباب و قعدنا في المطار من 8 الصباح إلى 6 المغرب .
أوقـات السفر بالسيارة يكون مُتعب جداً .. أكثر من 12 ساعة يكون المشوار .
و البانزين برضو يصرف .. و سعره في ازدياد .
بس مو كثير يعني أكيد توفير أكثر .
الحسنه الوحيده انك تسافر في سيارة , تقدر تروح اماكن كثير في المنطقة اللي انت مسافر لها .
لانك كريم و اوبر و غيره راح يكون لهم ميزانيه إذا كنت رايحه بدون سيارة خصوصاً في الاماكن السياحية سعرهم يصير اغلى.

ثانياً في الصيف الانسـان يندم أن سـافر من الحر , لو فكر يروح حديقة حيوان يشوف الحيوانات كلها ذابلة و شوي و تموت , لو راح ملاهي الالعـاب الحلوه اغلبها برا لكذا ما ينفع مع الحر .
راح يقضي سفرته كلها مجمعات عشان مُكيفه و الفندق . إذا مره راح يروح متحف و كذا مكان زيـادة .
و أنا اشوف مافيه تركيز كثير على الاماكن الاثرية هنا رغم ان اخر فترة صار شوي تركيز :confused:
بالنسبة للشاليهات ,

المنتجعات اسعارهم على حسب المنطقة اللي انت فيها بعض المناطق مًنتجع فخم جداً ب 700 فقط , أما عندنا لسى حاجزين لنا منتجعين ثنينهم على 1500 يعتبر مبلغ من قليل على نص يوم .. غير فيه اغلى منه يوصلون 2000 و شوي .

,
عموماً الانسـان حلو ينوع , إذا عنده مبلغ و وده يروح الخارج ليش يمنع نفسه ؟
لان هو في كلا الحالتين راح يصرف ..
أنا مو معناها ما أحب وطني إذا ما سيحت فيه , الحمدلله كل سنه نصيف في بيوتنا وين المشكلة
و كل شيء له ايجابيات و سلبيات داخلية كانت أو خارجية , و بالعكس أنا ودي أفر المملكة كلهـا بس برضو فيه اماكن في الخارج ودي فيها
و بالنسبة للسفر , أنا أشوفه تغيير جو و النفسية كلها تتغير
أحب السفر جداً جداً , حتى لو ما أسافر كثير
بالنسبة لموضوع اللي يتدين عشـان يسافر , جداً خطأ هذا الشيء .. و ماله داعي .
إذا ما عندك مبلغ للسفر لا سياحة داخلية ولا خارجية أقعد في بيتك أفضل لك
و عموماً انت وين ما رحت مردك لوطنك

شكراً على النقاش الجميل

اقتباس:

المشاركة الأصلية كتبت بواسطة حاء

_

حرير يـا حرير , و ما أدراك ما حرير
أنـا من شفت لك موضوع مخفي في قسم التنسيقـات قلت راح تبهرينـــا
و أنتظرت بشوق حتى ينزل لنــا هُنــا
أحب مواضيعك بشكل , و مستحيل يخيب ظني في إبداعك
من شيء أنتِ شيء لا يتكرر , كومة من الأبداع الذي لا ينتهي
,
الهيدر فخخخم و جداً , كمية التناسق اللي فيه غير طبيعية
رغم أنيّ مو من عشـاق اللون الأحمر , لكن موضوعي دخل في قلبي
و كمية جمــال في نماذج السكرابز
أكيد راح أحملهم , لان كُل شيء منك جد ما يتفوت
و أحس لو شنو أكتب ماراح أوفيك حقك و حق موضوعك إبد .
و مثل مـا قـال نزار القبـاني " الصمتُ في حرم الجمـال جمالُ "
راح اكتفي بالصمت , و تأمل هذا الأبداع و الجمـال
,
رغم أنيّ مـا اتابع اقسـام الشعر و النثر .. ولكن دائماً ما تكتبيه يصلُ إلى الأعمـاق .
مُبدعة و الخـالق ..
و اتمنى لكِ حيـاة سعيدة مع من تُحبين

اقتباس:

المشاركة الأصلية كتبت بواسطة حاء

_

أنا والله تعبت منكم يـا معشر الرجـال :d:d
و مثل ما قالت اختي غيم , قانون تعدد الزوجات ممنوع عندهم على إي اساس صـارت هذي الدراسة
و بعدين أكيد راح يطول عمره عنده زوجه و اولاد و عنده حبيبه أو عشيقة بالسر مثل ما يسمونها ولا تدري عنها زوجته يروح لها متسلل :r9:
يحس بالمغامرة و الأكشن في حياته لا ملتزم بهـا بشكل جديّ ولا شيء ههههههههه
و بعدين لو لاحظنـا , الاجانب عمرهم يوصل للمئه و شوي , أما عندنا ما يوصل أربعين إلا معاه الضغط و السكر .. و جميع الأمراض المزمنه :d:d
عموماً هذا شرع الله , و الشرع ما جاء من عبث .
بس ما نأخذ الشرع كحجة للزواج فقط ,في اشخاص فعلاً مضطرة للزواج من اخرى .. ولا يستطيع التخلي على الأولى .

كمرض الزوجة و عدم قدرتها على تأدية حقوقها لزوجها , عدم الانجـاب و غيرهـا .
أسباب مُقنعه , مو تحدي في الديوانية .. أو مزاجي جـاي على الزواج :d
لان جد سـالفة العدل لا يٌستهان بهـا , أنت راح تتحاسب على كل شيء .. حتى قلبك المفروض ما يميل للثـانية أكثر من الأولى .
و عـاد الحين ما شاء الله عليهم شبابنـا خوش نـاس يعرفون يعدلون , من يأخذ الثانية يسحب على الأولى أحلى سحبة ..
أو يأخذ الثانية و يندم على الزواج و يطنشهـا و يرجع للأولى .
ما عمري سمعت عن رجُل عـادل :d .
عـاد استغفر الله أوقـات يفصل مخي و أفكر لو المرأة تقدر تتزوج غير زوجها هل بتسويها :r9:
المشكلة لو شاركتي زوجك بهذي الافكار ينفعل و ينقهر , طيب نفس الشعور شدعوة عـاد هي بس افكار مستحيل تصير :d
,
شكراً عمو صحراوي , و الله يعينك عيلنــا .. و تراني قائدتهم في هذا الامر :d

اقتباس:

المشاركة الأصلية كتبت بواسطة حاء

_

بالنسبة لي أكيد ماراح أكون مع الغريب على القريب .
بس إذا القريب كان غلطـان راح اقنعه أن غلطـان , و اوضح له وين الخطأ بالضبط .. و اقنعه يحـاول يصلح الخطأ .
كذا ماراح اكون ضده بس في نفس الوقت ماراح أكون معـاه على الخطأ
أمـا إذا كان مُصر على أرتكـاب الخطأ , راح ابتعد لان اللي عليّ سويته و خليه يشوف النتيجة بنفسة
عموماً لو كانوا ثنينهم قريبين مني , أنا راح أعرف السالفه ككُل و راح احلل المشكلة و أنت غلطت في كذا و أنت غلطت في كذا و انتهى .
لان أوقـات الخطأ ما يكون من طرف واحد , الأثنين غلطـانين .
,
و هو للأمـانة الأبتعـاد على المشاكل أفضل حل , لان عـادي بعدين اللي متهاوشين مع بعض يتصالحون و أنت ويش رآح يكون وضعك و أنت كنت صاف في طرف واحد بس !!
أذكر مره في مرحلة دراسية , كان معـاي شلتين .. و هالشلتين تهاوشوا
عـاد قالوا اختاري بيننا , عـاد أنـا قلت لهم حلوا مشاكلكم بنفسكم ولا تدخلوني و إذا زاد الأمر سحبت عليكم اثنينكم و مشيت عنهم
و بعدين جد أحس التدخل في المشاكل بين الطرفين يزيد من حده المشـاكل , لو يحلونها وديّ بينهم أفضل بكثير
أعرف واحد لو يزعل من واحد يسوي تحديد الكل على كل عائلته
بالله هذا أحد كبير و عـاقل و أب يسوي هالحركات الطفولية ذي ؟
,
زبدة الموضوع كلهـا اني ما أقدر أبتعد في نفس الوقت ما أدخل نفسي للدرجة الكبيرة جداً و كأني من أطراف هذه المشكلة .
راح اعطي رأيي بشكل عـام و مُحايد , و هم عليهم راح يتقبلون أو لا .


شكراً على الطرح

اقتباس:

المشاركة الأصلية كتبت بواسطة حاء

-

العـاطفة و الحُب شيء موجود في فطرة الأنسـان , ما يقدر ينكره
الأنسـان بطبعة لابُد يمل للأشخـاص الطيبة معه
المعنى أن تكون الصداقـات احياناً لا يكون بالشيء المقصود بل يأتي عفوي .. و هذه العفوية تأتي من العاطفة .
أنـا ما قاعدة أتكلم عن الحُب بين جنسين , أنـا قاعدة اتكلم عن الحُب بشكل عـام .
حُب اخوي , حُب ابويّ و حب أمومي حُب صداقة ..
انـا للأمـانة لي عشر سنوات في عـالم المنتديـات .
قـابلت حتى اشخاص رغم انهم أصغر منيّ بسنوات بسيطة كـانوا يحتاجون أحد يحتويهم ,
و غيرهم يحتـاجون أحد يسمع لهم بدون ما يقابلونه واقعياً و كل مره يقابله راح يتذكر هو شنو قال له و كأنه ماسك عليه شيء .
وبعضهم يحتـاج صديق , يتكلم معه ولو بالتوافه لانه تعب من العـالم الواقع و عدم وجود صديق له .
كثير كثير من الاشياء , فالعلاقة بين الاعضاء هيّ ما تقوي المنتدى .
لان بعدها بفترة أنت راح تدخل هذا المنتدى عشان الاشخاص القريبة منك
,
و كل شيء له سلبيـات يا عزيزتي , ولكن الانسـان لا يجب أن يندم على علاقة قد خاضهـا .
حتى و أن كانك فاشلة , فهي تجربة له في هذه الحيـاة يتعلم منها في المُستقبل.
المهم أن لا يُكرر نفس الخطأ في كُل مرة ..
,
و أعرف كذا مواقع كـانت جداً جداً حمـاس , تختفي فترة و تلاقي الاوضاع كلها تتغير .
أمـا يكون انسـاحب اغلب الاعضاء اللي أنت تعرفهم , أو دمج موقعين في موقع واحد
و بكذا أحس صعب أرجع اتأقلم من جديد فأوقـات اترك الأمر ككُل و انسحب .
لاني أهم شيء عندي أن أرتـاح في المكان اللي متواجده فيه
,
عموماً انا ما أحب مقولة أن عالم افتراضي و بضغطت زر راح ينتهي كل شيء .
أنـا بالنسبة لي المشـاعر اللي كانت في هذا الموقع أو مع هذه الأشخاص ماراح تنتهي إبداً .

- شكراً على الموضوع الرائع

اقتباس:

المشاركة الأصلية كتبت بواسطة حاء

_

أنا من وجهة نظري لابُد من الأب تخصيص يوم للعـائلة , يطلعون إي مكـان ودهم فيه
أحس هذا اليوم مهم جداً , و يقوي العلاقـات بين الأب و ابنـائهم خصوصاً الأب اللي دوامة طويل جداً و يرجع تعبـان يا الله يأكل و يحط رأسهم و ينـام
فيومين اجـازة , يقدر يخصص يوم لعائلته , و يوم لأصحـابه و لنفسه :r9: .
العـائلة شيء مُهم جداً جداً , ولابُد على كُل أب يكون صديق لأولاده ..
عشان وقت ما يحتاج يتكلم معـاك مارح يخجل أو يخـاف من غضبك .. راح تكون مواجهته لك أسهل .
و بعدين إذا ما جلست مع أولادك في صغرهم و وقت حاجتهم لأب في حياتهم , لا ترتجي منهم يجلسون معاك في كبرك و وقت حاجتك لهم .
خلوكم من المأكل و الملبس , في أبـاء كثير يفكرون بس واجبهم يكون هنـا , نوفر له حجِياته المُهمة و الضرورية في الحياة.
الأبنـاء يحتاجون أكثر من كذا بكثير , يحتـاجون عـاطفة أبوية .. يحتاجون سند لهم في الحيـاة .
مو شخص يهنهم ولا يحترمهم و يضربهم عشـانهم مو محترمين !
ولد أختي الصغير عمرة أقل سنتين تقريباً .. إذا أحد قال له فرضاً أنت حمـار يرد عليه الحمـار أنت .
طبعاً الشخص ينصدم كيف صغير و لا يحترم و اهله ما علموه الأحترام !! طيب انت انتبه لتصرفاتك أمام الأطفال لان الطفل مُقلد درجة أولى .. علم نفسك الأحترام بعدين تعال علم اطفالك أو اطفـال النـاس .
المفروض واجبنـا نكون قدوة , و ننتبه لكلامنـا اللي يطلع خصوصاً قدام اطفالنا و اطفال غيرنـا .
خصوصاً الأطفـال الاشياء السلبية ترسخ في مخهم أسرع من الايجـابية :r9:

شكراً على الطرح