ودي ألمك على صدري تنام
خايف إنّ الخوف يقلق راحتك
اعتبر حضني حمامه للسلام
واعتبر حضنك خذاني جنتك
انا لي قلبٍ ذبحني. بالملام
والسبب ..... نبضه يزيد بلمتك
لا تسولف لي حبيبي بالكلام
وخل عينك ... من تسولف قصتك
دام قوسين ... السوالف باللثام
شدني أكثر .... معا سلهامتك
انت نور الكون والعالم ظلام
خذني من دنياي لأجمل دنيتك
دام لك رمشٍ سواته كالسهام
لا تطّول في عيوني نظرتك
كثرت الطعنات ف العاشق حرام
وكل نظره .... من عيونك طعنتك
كنت احسّبْ الموت موتٍ بالحسام
لين جتني غمزةٍ مع ضحكتك
اثر بعض الموت موتٍ بالغرام
يوم تلمسني وأذوب بلمستك
ادخل بعالم يسمونه هِيام
لمني اكثر ...... وقصّرْ همستك
ودي العب في طرف شعرك وأنام
ولا صحيت ألقى مشاعر لمتك