ردت الفنانة منة عرفة على انتقادات الفنانة إلهام شاهين، وكشفت لأول مرة تفاصيل انفصالها عن زوجها المنتج محمود المهدي، وردت على سؤال هل تخلت عنه في ازمته، كما تحدثت عنه أزمتها مع مشاهد القبلات والأحضان.
منة عرفة - الصورة من حسابها على انستغرام
وقالت منة عرفة، خلال لقائها مع برنامج سابع سما، المُذاع على قناة النهار المصرية: إن الفنانة إلهام شاهين هاجمتني في أكثر من مناسبة بسبب إعلان رفضي لتمثيل البوس والاحضان في الأفلام في أحدى اللقاءات التلفزيونية.
وأضافت أن الفنانة إلهام شاهين تحدثت عني بالاسم وقالت منة عرفة تقعد في البيت طالما رفضت تأدية مشاهد البوس والأحضان في الأفلام وقالت: ومفيش حاجة اسمها سينما نظيفة وسينما غير نظيفة، واللي مش عايزة تتباس ولا تتحضن تقعد في البيت.
وتابعت،: أنا احترمت الفنانة إلهام شاهين ولم أرد لأنني حرة في رفضي أو قبولي مشاهد البوس والاحضان، وقولت ماشي حاضر قعدينا في البيت بعدها الفنانة إلهام ظهرت في لقاء آخر، وذكرتني بالإسم وقالت منة عرفة ليها مشاهد تصوير مع الفنان محمد نجاتي واتهمتني بالجهل.
واختتمت منة عرفة ردها على إلهام شاهين برسالة شديد اللهجة: رأيك احتفظي بيه لنفسك.. هو احنا لازم نتباس ونتحضن علشان نمثل!.
وقالت عرفة إن بعض الناس قد يرون أنها شخصية متناقضة، بعد تسريب صور لها بـ"المايو"، وتصريحاتها الرافضة لأداء أدوار فيها قبلات.
وأضافت:"عندي تحفظات في الأدوار، بعمل أي حاجة في حياتي، لكن عندي الحرية أقدم نفسي بالأدوار التي تناسبني وتعيش بالطريقة التي أريدها.
وتابعت: أنا بتكلم عن نفسي، بعد 20 سنة هيبقى عندي أطفال حباهم يشوفوا أمهم بصورة معينة، أما حياتي أنا حرة فيها، من حقي ألبس مايو وأعيش سني، وهبقى أستغفر ربنا وهيسامحني، اشمعنى أنا اللي بيتكلموا عنها، ما كل البنات في سني بتعمل أكتر من كدة.
وعن ردها بانفعال على أحد متابعيها، قالت: "فاكرين إن الناس في الوسط الفني مبيعرفوش ربنا، أنتوا متعرفوش شكل علاقتنا بربنا، أنا مش مهتمة بالناس طالما بعمل اللي يرضيني ويرضي ربنا واهلي، والناس مش عارفين 5% من حياتي لو تعرفوا هصعب عليكم.
وأضافت منة، وهي تبكي: "حسيت إن أنا اتغيرت أوي، وحاسة إني كبرت فجأة، نفسي الناس متاخدش عاطل في باطل متاخدش الناس بذنب حد.
وواصلت: أنا اتعلمت الفترة اللي فاتت احتفظ برأي لنفسي، مش كل حاجة ينفع تتقال، وأرد فيها، من كثر ما اتلدعت، مش مضطرة، اطلع أبرر واتكلم عن حياتي، الناس بتقول موقفتش جنب جوزها،الست الأصيلة بتعمل ده من غير ما تقول أنا عملت وسويت، مش عايزة أثبت لحد إني مية مية.
وتابعت: يقولوا أنت ست مش جدعة، أنتوا تعرفوا ايه تعرفوا موقفتش ولا لا، معمتش ولا لا، انتوا متعرفوش فمحدش يحكم عليا، اللي عايزة اقوله لو تعرفوا هأصعب عليكم".
وتحدثت منة عرفة، عن سبب طلاقها من محمود المهدي، قائلة: ده قرارنا إحنا الاتنين، لأن الموضوع بنا مبقاش حب ورومانسية زي الأول.. وفجأة الدنيا بقيت مشاكل كتير، وأطراف تتدخل وناس تتكلم.. والناس بقيت عارفة كل حاجة.. واللي ميعرفش حاجة عامل نفسه عارف وبردو بيتكلم.
وأضافت منة عرفة خلال لقائها في برنامج "سابع سما"، المُذاع على فضائية "النهار"، قائلة: "الناس بتخش تحاكمني، وتقولي انتي موقفتيش مع جوزك.. انتي ليه ملتزمة الصمت!.. طب اطلعي دافعي عنه حتة".
وتابعت الفنانة الشابة: مين قال إن أنا موقفتش جمبه!.. مين قال ان انا مدافعتش عنه!..مين قال ان انا مقعدتش وحاولت أحل!.. مين قال ان أنا ماسعتش علشان نشوف حلول!.. انتوا متعرفوش حاجة.. انتوا بتوصلوا الناس لتفكير مش حلو.. ومحاولة للانتحار بسبب كلام الناس ده.
عضويتي 
منة عرفة ترد على إلهام شاهين وتكشف سبب طلاقها
العرض العادي
