ما هو بكيفي أعلن الحرب وياك

وصلك مثل غيم الربيع استخيله........وأنا على باب المحبه رجاوي
حاولت قربك مالقيت الوسيله...........أنا أشهد أني بالمحبه شقاوي
مالي على ما يجري اليوم حيله........ولاني على بعد المحبين قاوي








أنا غرب واللي خاطري ينتحيله شرق..........بعيد وطن مظنون عيني عن أوطاني
حصل في غروب الشمس بيني وبينه فرق.....عسى الله يقرب دار من حبه أشقاني








بنيت لك بالقلب قصرٍ من ألماس.......ما ينه** لو حاولوا يه**ونه
عليه يوقف وسط الأبواب حراس......ممنوع قصرٍ تسكنه يدخلونه
اّمر تدلل وش تبي دق الأجراس.......حنا حرس قصرك وحنا عيونه








وقتي معك ما ينحسب بالدقيقه.........وقتي معاك بفرحة العمر محسوب
بسمعي لصوتك تنفرج ألف ضيقه......ولاشقت زولك ما بقى بعمري كروب
وصلك يبلل خافقٍ جف ريقه............حرام لو هو معصيه ما أشبع ذنوب








يا صاح **عي من عنا البعد همال........شوف الليالي كيف هزت زماني
ما جيت أبي منك ملايين وأموال.........ربي وهبني للنعيم وعطاني
جيتك رفيقٍ سابقه حلم واّمال............راجيٍ وصلك ولا أبي شي ثاني








عهدٍ قطعته أبد ما انساك.......عهدٍ علي أوفيه وأوفيك
من يوم قلبي صار يهواك......والفكر دوم بشوق يطريك
لا تفتكرني بيوم بجفاك..........وأنسى ودادك أو أخليك
أفداك وافدى بسمة شفاك......وأدعي إلهي لي يخليك








طالت الغيبات يا غالي علينا........لو يطول البعد ما والله سلينا
المشاعر همها لحظة لقاك.........يا كريم النفس مثلك ما لقينا
لك معزه زادها عندي وفاك........ليت قربك يا هنا العمر بيدينا








ما هو بكيفي أعلن الحرب وياك..............لو قال عقلي قام قلبي يصده
والله أحبك صدق وش فيك وش جاك؟.......أبغي محبه بس من غير شده
ولا جاك غيري لا تحبه اذا جاك..............تكفى طلبتك..لعنبو جد جده

يعطيك العافيه علي الطرح
بإنتظآر جديدك وعذب أطروحآتك

اسعدني جدا مرورك .. ربي يعافيك ويسعدك

*،

هُنَا يَطْغَى جَمَالُ مَا انْسَكَبَ ..
لِيُلاَمِسَ قُلُوبَنَا بِهَتِهِ الرَّوْعَةِ الَّتِي انْتَقَيْتهَا ..
جَلْبٌ يَفُوقُ البَهَاءَ يَا طُهْر .. لِقَلْبِكْ الأُورْكِيدَا ..

اسعدني جدا مرورك .. ربي يعافيك ويسعدك

امتناني لـ هطولك العاطر بشذى الياسمين
وجُل تقديري لـ سخائك ي كريمه
لـ روحك اجمل الاماني