اخوك لاتخسره لو هو عنيد !!!

اخوك لاتخسره لو هو عنيد !!!


يامـتـعـب الـشـعــار يـابـيــت الـقـصـيـد
لـولا تعـبـهـم فيــك مـاجـالـك طــراه

كـــم لـي وانـا ادور علـى مــعنـى جـديـــد
مـاكــل من دور عـلى الـطـيـب لـقــاه

لـــو كل من يحـــذف حصـاه يجيـب صيــــد
ماكــان نـحـتـاج الـبـنــادق والــرماه

ولو ينصــرف في البنــك شيـــك بلا رصــيد
كلٍ طمـع فـي الـدر الأصلـي وإشتـراه

لعـيـون مــن يبـحـث عــن الــدر الفـريـد
هـذي وصاه لـمـن يحفـظـون الـوصـاه

يمـكـن لـيــا نـصـبـت مـوازيــن العـبـيــد
تـرجـح بميـزانـي ويـكـتَـب لـي نـجـاه

ايامــنــا مـاكـلــهــا فـرحـــه وعـــيـد
وإن عشت يومـك ماضمنـت اللـي وراه

والرجـــل مهمــا عـاش فـي الدنيـا سعيـــد
لابــد مـايـحـتــاج ربـعـــه واقـرباه

لاتـقـطـع ارحـامــك ويشـمـلـك الـوعـيــد
ولاتخـسـر الـغـالـي ولاتـرخـص غـــلاه

واخــوك لا تـخـسـره لـــو إنــــه عـنـيــد
يخطـي ميـة مــره وتسـمـح له خـطـاه

وإن كــان شــد الحـبـل حــاول ماتـزيــــد
ارخـيـه قـبل الـشــد يـوصل منـتـهـاه

ولا تنــصـحـه وقــت الـزعــل مايستـفـيـد
واعرض عليه النصح في ســاعة رضـاه

ولـيـا طـلــب رايـــك عـطــه رايٍ سـديــد
وإن ماطـلـبـك الـراي لاتـبـحـث خـفــاه

واعــرف تــرى قــرب الـمـنـازل مايـفـيـــد
واحـيـان يـبــدي شـــي مـاودك تـراه

لـكـن لاتـــقـــرب ولا تـنـــزل بــعــيــد
خلـك عـلـى قول المـثـل حـذفـة حـصاه

واحـفـظ حـبـال الــود حـفـظـك لـلـوريـــد
الـلـي مـعـلـق فـيه موتـك والـحـيـاه

تــرى الأخـــو مهمـا حصـل يبقـى عـــضيـد
وتـرى عـيال الـعـم مـاعـنـهـم غــنــاه

الـنـــاس دايـــم مـاتـهـاب الـلــي وحـيــد
اللـي لـيـامـنـه وقــف مـحــدٍ مـعــاه

لو كـان فـي المـــيقـاف عزمـه مـن حـــديـد
لابــد بـعـض احـيان يـنــزل مـسـتـواه

وخــذ الحـــذر لـو كنـت فـي قصـرٍ مشيــــد
الــذيــب لـــولا فـطـنـتــه كـلٍ رماه

لاتــامــن الـدنـيــا لــهــا مــكــرٍ وكــيـــد
يمكـن تـحـدك صــوب شـخـصٍ ماتـبـاه

إلـيــا رمـتــك بـوجــه شـيـطــانٍ مــريــد
طـاغــي ومتـمـسـك بـقـانون الـطـغـاه

ثـبـت عـلـيـه شـهــود والـخـالـق شـهـــيـد
لا تـندفع لـلــشــر وتــسوي كــمـــاه

وإتـبــع دروب الــحــق عـنـهــا لاتـحـيــد
ويبين راعي العـرف مـن راعـي العيـاه

ولاتـبــدي اســـرارك لــزيــد ولا عـبـيــد
مـن يحسـدون الرجـل فــي زاده ومــاه

لاجـــــوك قـــــول الله يــدبـــر مـايــريــد
ولاتعـرض الدعـوة علـى غـيـر القـضـاه

إلا عـلــى شـيــخٍ ولــــه عــقــلٍ رشــيــد
وإلا عـلـى مطـنـوخ لــه منـصـب وجــاه

الشاعر/عبدالله الطلحي

~`










انتقاءگ جميــل
يعطيگ العافيہ يارب , ع الموضوع ! دمت ودام ابداعگ
ودي

سلمت كفوفك لطيب الجهد
وَ تمُيز العطاء
لاحرمنا الله روائِع مجهوداتك

منورين

منورين

_

سلمت الأيادي ..
ويعطيك العافية لـ جمال الآنتقاء
لروحك جنائن الورد .