تجميع دارميات //عراقيه

اثار عطاب..
........................
عشت انه بغيابك فاكد الراي...
وتظل عندي
اعز من الهوى الهاب..
بلايه اوداع يوم اجفيت يهواي...
وتكص شجرة حنيني بفاس حطاب...
اتنفسك شوك بخلك ولهان..
وبلذرعان اشبكك شبكة احباب...
واتحسس لهيب النار بلروح..
واشتم وسط ريتي اثار عطاب...
شمصعب فركتك كل لحظه بسنين...
واحس بسهم بعدك
كلبي ينصاب
تعودت اعل شوفك طول الايام..
يلماعودتني اطول
ال غياب..
حسبتك عيد حته اتعايد اوياك..
بس انته هلالك
ماهل وغاب..
واذا انته اعل بالك ناوي ال فراك..
بين لليودك
شنهي الاسباب..
تدلوبني الظنون بهاي الاحوال.
وهدب العين من هجرك
ولك شاب
كمت احسب جروحي جم جرح صار..
تدري اول جرح للحين ماطاب..
مايشفه ابد ظل لسه ملجوم..
وانته الصوبتني
صوابك صواب..
جرح الغير يمكن يشفه فد يوم..
بس جرح المحب
للدوم ينعاب..
وقصه الكل جرح تصرخ بالالام..
وتكتب بلدموع
اسطور ال كتاب...
الطير شما عله ينزل عله الكاع..
واللي يعلي
لازم يحسب احساب
اليطب بيت المحبه يضحي للدوم..
ومن حكه اليحبك
يعتب اعتاب..
ولان طاري المحبه يريد قانون...
بس حبك طلع حد.عتبة الباب
((الدغاري))..

اذا متريدني ومابيك جيه
وما مر بــيـعھ ضيم المار بــيـه
لتخليني حــآيـر بـيـن الاثنين
لــوظ“ اتانيك لــوظ“ اتاني المنية
اني اتمنى اكلك عايش بــخـيـر
بَــس المشكله امبين عليه
صح شوية جنت اشاوف وياك
بس الشفته منك موو شوية
گبال العلي دور زلة لسان

سولفت الالي والمو الــيـه
سألوني على گلبي وكلت خالي
وعشت احساس واحد لـآ ابالي
بس ماطولت عرفوني مشتاگ
مــن فكرت بــيـعھ بصوت عالي
انا لــومــآ مرخص روحي وياك
وغلاتك ماصرت هالكثر غالي
واضحك والفراك يگود بــيـه
مدري ليا مذله ويــآ اذيه
حيلي ، وهيبتي ، ودمعات العيون
خلصن بَــس معزتك ذيچ هـيـه
كبر بــيـه الصلح حد التواسيل
و أنــا مــآ حامله مــن چــآن نيه
حقك مــآ مجربها الحرامات
ولـآ خنگتك مـره المغربية
ولا عايش احساس اليبچي بسكوت
تخنگ بالدمع ويفضحك الصوت
گدامك بشر بسنينك يعيش

مو حَـقـي مــن اكلك مشتهي الموت ؟!
انا بآخر نفس وتحرك الباب
وتمنيتك أنــت ولـآ هوا يفوت
المهم خلصت القصه وهايهيه
بوشالة نظر وعناد ريه
و ورقه مشگگه مــن دموع العيون
وقلم مــآ مستقر يرجف بيديه
خلصت القصيده وضل نقص بيت
هــذآ البيت تلگاه بالوصيه !!

-














ألف شكر لـ أختيارك الراقي
تقديري ~