نزل بيت ابو ذيه راق لك

هجرني بلا سبب غفله... تركناي
المصايب كامت بكلبي... تركناي
تــرك بغيابه مو ونه.... ترك ناي
و عزف طور النعاوي اشكال بيه

يكلبي اترك عتابك ماكو داعي
وبعد بسك تجيهم مأكو داعي
انكشف كلشي وتبين ماكو داعي
يمثلون بمحبتك مسرحيه

احس دمعات عيني…...كلمنك
ولك مجروح كلبي.... كله منك
انه سويت كتلي….. كله منك
شو انت العفت وكطعت بيه

هيجي اشمرت روحي مالحتهه
الدنيه ابحجر اسود مالحتهه
ثلث ترباع ربعي مالحتهه
الملح ماصخ يربي اغدرو بيه

سناسل ثق حسن وجهك يربطن
الجدم، ومن ارد اگلنه يربطن
خبص عگلي النظر ما كن يربطن
كأنه الحور شاف اعلي الوطيه

همت ب مـكشفات الـزنـد يردان
مواضي وبـنيـاط الـترف يردان
دگ گـلـبي تـگول الــدان يردان
عـراظـة والــرمي مسمــوح بيه