اهدي بيت شعر. للي في بالك. ،،!

اظاهر ان الوضع مؤسف ومخجل
خجلان من يبغى يوضح بيانه
لأن بعض الناس بالحيل يجفل
ياطا على زل الحرير بليانه
دامك على خط السريعات عجل
الناس طارت وانت فيه حبيانه
باب المنى ذا الوقت ماهومقفل
حتى الأمل تقدر تجيه بمكانه
دام العطا مسموح وش فيك تبخل
خلك كريم وزود العقد دانه
ترا البخيل بقلة البذل يفشل
محروم من عطف الرفيق وحنانه
هذي حقيقة لوبعض ناس يزعل
كلام اقوله من قبيل الأمانه
بوحي

غلاك مايحتاج فـي الواقـع دليـل
. شعري تحدث به وصوتي بـه جهـر
لو كنت تتأمل بفكرك كـل ليـل
.ادركت مايدفـع عيونـي للسهـر

جو ليله بردها تحت الصفر
مجتمع مع بردها صد وجفا
كني بوسط ارضها ضابط خفر
والهواجس بين ياحيف وأفا
في خلا مكشوف في ارض قفر
وين تلقى عن برودتها دفا ؟؟
بوحي

رحلت .. وما وقفت إلّا على ذكراك
وأنا مافيه حاجة .. قد خذتني عنْك

عرفت آحبّ .. لكن ما قدرت أنساك
وأنا محتاج .. لـ النسيان أكثر منْك

وشلون اغيب وحاجتي لك كبيره
ماتدري انك صرت انفاس روحي
ياورد بستاني وريحة عبيره
ياعطري اللي في ثيابي يفوحي
وش لون اقول لغيرك الحب سيره
وانت الطبيب اللي يداوي جروحي
لا لا يصيبك شك فيني وغيره
مادام شعري في غرامك يبوحي
بوحي

،



زعلان قلبي ورى ما جيته و بِسته !
( ثلاثة أيام ) غايب .. و الوله باقي

والله . . لو كنت مو موجود فـ اللسته
ما يستفز (إنقطاع الخدمه) أشواقي !