اكسير حياتي

احتاج لوقت عشان اتقبلك بحياتي
انتا اللي اقتحمتني وبعثرت شتاتي
جايلي وتبي تصير بجدول اولوياتي
كيف بالله وانت ماكنت ابسط امنياتي
جيتني فجأه وفرضت نفسك كذا عادي
ماتدري اني توني طالعه من سباتي
وتوني مأجله قصه هذاك الحب اللي
كان اغبى واسخف واتفه زله من زلاتي
عشان كنت غبيه غرقت واتبعت هفواتي
مانت شي وتبي تشوف بوجودك فرحتي
تبي خبر وتوني مانفضت تراب سفراتي
تبي كلام غزل وتوني امسح اثر دمعاتي
تبي اهتمام وتوني ماكتمت صوت وناتي
والله يبالي وقت عشان اقولك ياغلاتي
واناديك باسم المحبوب من شان تاتي
ليش مااشوف الاهتمام منك يارازي
يقولون رزين وماعليه خلاف ولا علاتي
يقولون ثقيل وجبل مايهزه الريح العاتي
اشوف بتقدر تواسيني وتكتم اهاتي
اشوف بتقدر تبدد وتداوي جروحاتي
تقدر تتحمل خفتي وثقلي وكل تقلباتي
بتقدر تغير اسلوبي تغير محور كتاباتي
ولا بتشتكي من وصفي لأبطال رواياتي
هل بتشوفنا سوى في كل موقف خيالي
ولا بترمي بنوته كتبت فيها بيوم يومياتي
وبتقول لي اشيل من قدامك كل تفاهاتي
وبتحرق كل اوراقي وبترمي برسوماتي
لاتلومني مجنونه واعترف انا ما اخبي
بني ادم خطاء بتحاسبني على اخطائي
ولا تكذب وتقول انا ماقد غلطت بحياتي
كلنا معانا اخطاء بس تختلف مسمياتي
اخطائي ماكانت بحق احد بحق نفسي
كان كل همي ابني احلام زي الباقي
لكني بالاخر انخذلت بإنخذال امنياتي
كانت اكبر مني عشان كذا انت بتخذلني
لاهنت لاتقول مابيك عشان اقيس غلاتي
مابي تدفع ثمن عمر ضاع دام معك عادي
خلف الله على عمري معاك دام اخترتني
لازم تجمعني من جديد وتشوف ثغراتي
جمعني من جديد بمعرفتك وبي لا تبالي
شكلني بأفعالك بس من بعدها ماتشكيني
وطيف غير طيفك بعدها يحرم على عيوني
تكفى طلبتك لو ماتقدر تكون انت خليني
وعلى الرغم مني مالي غنا عنك ياغناتي
لو تدري وش تسوي بي رغم اعتراضي
تدري وش اخبي على الرغم من صمتي
وبالرغم من اللي اقوله بك اخط نهاياتي
وبإسمك ان شاءالله اقفل دفتر امنياتي
مابي يكون اسمك لااكيد اكسير حياتي

سلمت كفوفك لطيب الجهد
وَ تمُيز العطاء
لاحرمنا الله روائِع مجهوداتك

سلمت الانامل للروعه طرحها

بارك الله فيك ع موضوعك القيم والمميز
وبانتظار جديدك القادم
ارق التحايا لك

.








سلمت يداك ع الجمال
لاتحرمينا من جديدك

سلمت كفوفك لطيب الجهد
وَ تمُيز العطاء
لاحرمنا الله روائِع مجهوداتك