كثير اللي يخون الود ويعني لو تخونيني

كثير اللي يخون الود ويعني لو تخونيني
أنا أدري ويش ضيّعني شعوري وطيب نياتي
لعبتيها معايا صح عرفتي كيف تنهيني
عرفتي للأسف وشلون أبدى في نهاياتي
تعالي وإحسبي وياي .. كم مرّه جرحتيني
و ربي ما عرفت أرتاح ويني ووين راحاتي
إذا به جرح ناسيته جديد ولا هديتيني
وفيتي وحيل كفّيتي تفننتي بصدماتي
طرفت العين بصباعي .. صحت وقلت ياعيني
تبين أقطع يدي من شان ورّتني معاناتي
تبين أضحك على نفسي وأقول إنك وحشتيني
صحيت وصار من حقي أراجع في حساباتي
وعِدْت وليتني ما جيت الله كم بهرتيني
طرت وكِنْ هالعالم ولاشي بمداراتي
همت بوقتها والناس مدري وينها وويني
مشيت لخاطر العشرة لأبعد من مسافاتي
أنا أدري وين هالأيام والطيبة توديني
على الله تضحك الدنيا وتصدق بعض هقواتي
خدعتيني تبين الصج إنتي ما خدعتيني
أنا اللي قلت لي كذبه مصدقها على شفاتي
وفيتي ما وفيتي لي .. تساوت كلها بعيني
دخيل الله خليني أنا تعبان في ذاتي
فهمتيني لا والله عمرك ما فهمتيني
و لا تفرق معاي اليوم هاتي من الألم هاتي
كبيره حيل في حقي طفله ولعبت فيني
و لكن وش نقص أو زاد غلطة في ملفاتي
خسرت هذي الدنيا يعني لو تخونيني
أجل بعدين كيف أربح لو ما أحسب خساراتي

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

طرح رائع ومميز
وانتقاء جميل
وذائقه اجمل
اهنىك على جمال ذلك

~ يسلمووو دياااتك لروعه طرحها
يعطيك الف عافيه ..

نقل مميز وجهد مبدع وعطاء مستمر
سلمت يمينك على ما بذلت كل الشكر لك

شكرا للابدآع راقني التواجد هُنآآ لروحكم الطيب