متنساش وانت نازل تاخد الزبالة معاك
اصل انت من المنازل وانا اصلا مش بهواك
متعملش فيها قيمة شغل افلام وسيما
بطل بقي ترسيمة قال يعني هنا وهناك
دخلك يدوب ع القد مش شايف باقية الناس
وتعبت معاك بجد و انا ست وكلي احساس
اترزع ياله روح وبلاش كلام جروح
ميت مفيش طموح مش فاكره عشان انساك
اللي زيي يتشال في العين قبل الراس
وانت ولا البقال فاتح دكان وخلاص
فين يا عم الفلوس البيت ياما بيعوز
ميكاج ميكاب وروح يا خسرتي وانت هَناك
بلاش تمثيل بجد وتعيش دور الضحية
بنات الناس مش لعب اطفح الكوته يا عينه
شغلانه اتنين تلاتة وهات من الفلوس زيادة
ساعتها القهوة السادة هتبقي زيادة وانا معاك
متنساش وانت نازل تاخد الزبالة معاك
بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات