اكتب اسم الشاعر واللي بعدك يجيب قصيده لهذا الشاعر

السلسال ..!

لي الهون ياجرح المفارق وضيق البـال
علي الهون ياهـم سطابـي وقدرتـه !

اعزك لوانـك جـرح ومجاهـدك قتـال
وروضت جسمي لاجل سقمك صبرتـه!

لاجل من ملك قبي من الجال لين الجـال
وفجيت له باب عـن النـاس سكرتـه !

وحطيت له عن شمس قيظ الغرام اظلال
وشيدت لـه بيـت بقلبـي وعمرتـه !

عشقتـه ودللتـه وجريـت لـه مـوال
وتخيرت قربـه ليتنـي مـا تخيرتـه !

رعي ريف قلبي لين صار الحشا مدهال
وعن مدهله جنبـت غيـره وذيرتـه !

سقيته من عـدود الغـلا والغـرام زلال
بعد ماجذب مـن دم قلبـي وصدرتـه!

اداري عليه من الزعل وازعـل العـذال
وخطاه ان كبر في عين غيري تصاغرته!

ترافقت انا وياه مـن يـوم كنـا اطفـال
تكون غـلاه بوسـط قلبـي وكبرتـه!

قبـل مايغطـي ليلـه المنتثـر بالشـال
سرقت الكرى من نون عينيه وسهرتـه!

نقش كل حرف من حروفي على السلسال
تباهى بها واغـاظ نـاس مجاكرتـه !

وكتبت القصايد في عيونه علي اليامـال
وليا مرنـي صـوت النواخـذ تذكرتـه

تكاثر علـي الله يجازيـه كيـف الحـال
وانا يوم اسوق العمر له ما تكاثرتـه !

وبعد كل هالتقديـر والحـب والاجـلال
تغيـر وهقواتـه علـيـه مغيـرتـه!

لبسته ثياب الغطرسه ليـن جـا يختـال
وكبر في عيونه يوم الاوهام غررتـه !

واذاالسالفه ضحك ومهازل ولعب اطفـال
خبطت الغصن لين ابرق الريش طيرته !

خلصنا وقفلنـا الصناديـق بـا لاقفـال
ومن جور حكمه كامل القلب حررتـه !

المطلوب الشاعر / احمد الصانع

تفضلي قصيدة الشاعر احمد الصانع

أبي من زود حُبي أربكك= لمَّا تسألني أحبك ؟ قلت " أموت "
إنت مثل " الحلم " ولمَّا أمسكك=أدري إنِّك واقع وتطري البيوت
يا عيون الريم وشلون أشبكك ؟= من يشوفك قال : ما شا الله توت
إنت فكره و ماني قادر أحبكك=فوت في قلبي بلا إستئذان فوت
في حياتي صرت دايم أدركك أشبعك=وأجوع لك وأعطيك قوت
لو طريقك يتعِب القلب أسلكك= بعد صوتك ما يعوِّض أيّ صوت

المطلوب قصيده للشاعر. عبدالرحمن الشمري

تفضل الشاعر عبدالرحمن الشمري
---
مابين اطيع وبين اخشم وماأطيع
شمسي بدت بأول نهاره تليل

غريب فكر وخفت من ربعي أظيع
أحط عن ظهر المطيه وأشيل

ما أقول ذقت من المرار القراطيع
وأقول لا خيلبي الشعر خيل

ما يتعبني عاتيات الزعازيع
لو كان يتعبني هبوب الشميل

يسمحلي الغر الظحوك المريبيع
والشمري راع العقال الميل

لاقلتلي بأطراف الاقصى مفاريع
عورات وأم بالعراق أتويل

سبو نبيي وسممولي مراضيع
واللي حصل من ربعنا مو قليل

شر الموايد يوم قمنا مشابيع
عليها الشرف دمعة عجوز وعيل

حتام يارباه وعقولنا جيع
وبطوننا من هالمخالي تكيل

نام الظمير وقالي يحرم البيع
قبل الندى وعقب الندى رد قيل

ضحية الوضع الردي بمواضيع
خلتني انحى لفلسفة والتخيل

شفت بعتيق الباب ليه فقاقيع
وأنا بعرقوبه كسرت المهيل

يا هم قلبي والعيون المداميع
من وين ما حيلتها ما تحيل

علقت شعري في صدور المداريع
واللي زعل راع الوشاح المذيل

وده أقول ان مرني لعتني ليع
لبى عيونك يا عيون الغزيل

وأنا على كرهي لنا ودي أذيع
احلى تحيه للأمين الجميل

شوباش ياوجه الورق والتواقيع
رقيب ذاتي طايحنبي تغيل

هبت السلام لحسبتي للمواديع
يا ليلتة سواء وحظ المنيل ..

المطلوب الشاعر علي القحطاني (ابوميسون )

استلم. قصيده. دلعوك اهلك

دلـعـوك أهـلـك وتــوك صـغـيـر= واكتمـل عمـرك وصــارت طبيـعـه
ماتـغـيـر لاتــحــاول تـغـيــرأمــر=يــاذا الحـلـو ماتستطـيـعـه
وانـت ماتعـرف رجـب مـن قصـيـر،=والعمـرتـوه عـلــى أول ربـيـعـه
ماربـيـت الا وســط بـيـت خـيـر= عايشـيـن أهـلـك بدنـيـا فظـيـعـه
كلـمـا شـفـتـك علـيـنـا تـسـيـر= ودي اسكـن قصـر والبـيـت أبيـعـه
مسـتـواك أعـلـى وحسـنـك يحـيـر=والحـلـى والــدل أخـذتـه جميـعـه
والجعـود الـسـود والـوجـه المنـيـر=لــو كـلامـك بالـذهـب ماتبـيـعـه