يُمه ... هَيّن ...!! الهوى بعيون بنتك صار بيّن

يُمه ... هَيّن ...!! الهوى بعيون بنتك صار بيّن ... ما يبي له من يعَلم ...!! وصاحبي بالعشق أُستاذ ومُعَلِم كيف اخبي ...؟! إنتي من جِدك يا يُمه ...؟! وانا بنوته وقلبي وردي ... وصغَـيّر ... ولَيّن ايه احبه ...!! يعني هذا اللي تبينه ...؟! كيف اخبي وهذا دربي ...؟! والهوى مكتوب من ربك وربي يوم شفته متكشخ ... ومتعطر ... ومتزين طاح كاسي فدوته راسي ... وناسي مو بكيفي ...!! يُمه جنني بـ حنانه ما يخون الهوى عنده امانه وريحة انفاسه دخون مو طبيعي هالولد من جد يُمه فيه ذوق ... وفيه شوق ... وفيه للعشاق عوق يُمه يسلم لك حبيبك والله نَسَاني حليبك أي ورب الكون يُمه يُمه لو تدرين عنه ... قلتي لي فالك حبيبك ايه احبه ايه يمه سامحيني لو حلفت إني لَـ " لِـمّه " مو بكيفي وضحكته خمري ... وكيفي مو طبيعي هالولد عمري وربيعي وفوق هذا صار شاعر ... كله يتغزل بخصري ... وريحة انفاسي وعطري ... قال ( احبه قلت ( ادري ) قال ( ياحلوه غرورك ... وشمس وجهك تكسر عيوني بنورك ) قلت ( كافي ) قال ( شورك ) والله فعلاً مو طبيعي إن عشق كله جنون وإن حكى كله فنون ... على راسي ما يهون إيه يُمه إيه احبه " بس بالسِنة يا يُمه " جعل عيني فدوت عيونه وثوبي دون كمه ... بس المه خلى لعيوني كثير من البنات ... على شاني خلى نورة وخلى لمياء وخلى خولة ايه يُمه وخلى اسماء بنت خاله ... وخلى سارة بنت عمه اللي ابوها اخو ابوه ... ودمها هو نفس دمه باعهم لعيون بنتك ... واشتراني ... شفتي يُمه ...؟! وآنا اراه إنه غرامي ... وهو بعد مثلي يراني ... إلا احبه إلا احبه إلا احبه واللي ما يسمعني يسمع ... إلا احبه واعشق ترابه اذا داسه برجله قال لي مَرة ( اناظر ...؟! ) قلت ( حاضر يا الله ناظر ) يوم ناظرني بكيت ما تحملت الهوى بعيونه السوداء وشكيت قال ( ابوسك ...؟! ) قلت ( تعقل ... وإلا احوسك ...؟! ) قال ( انا اقصد على السنة ) قلت ( ليت ) قال ( والله لآخذك قدام اخوك ... بعد ما تربط يديني في يدينك بأمر ابوك ) قلت ( تبطي ...؟! ) قال ( لا لا ) قلت ( لو ابطيت جيتك ) قال ( يسلم لي وفاك ... قلبي قلبك ... وبيتي بيتك ... ما حفظ عهده معاك ... وما رعاك ... وما تذرى ظلال خصرك وقت صيف وإن خطبني لا تردونه يا يُمه ... آنا ابيه قولي ( تم ) لا تخلين العُمر يمشي الم ها يا يُمه ...؟! قولي ( تم )

يعطيك العآفيه..
طرح بقمة الذوووق والرووعه..
تسلم أيدك ع الطرح المميز لاعدمنـآك ,...
بانتظارجديدك بكل شوق
ودي وشذى الورد..

تحياتي

سلمت أناملك على هذا الجمال ..
فكل الشكر لسموك ..
بإنتظآر جديدك بكل شوق ..
لروحك جنآئن الورد

يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
........
الحب يفضح راعيه
سلمت على هذا الاختيار رائع
و سلم ذوقك المميز
يعطيك الف عافيه
روعاتكك

صح منقولك
تسلم الايادي ويعطيك العافية
على ذوقك الجميل
في انتظار دوم لكل جديدك

سلمت اناااملكم لجمال ما نزف به قلمكم.
لكم باقه من الورود لهذا الجمال
كل الإحترام والتقدير لكم على جمالية طرحكم
اتمنى لكم المزيد من التالق والتميز
في انتظار كل جديدكم القيم
دمتم بسعاده لا تغادر ارواحكم