لو اسهرت عيني وتعب الفكر ماني بمعذور

من هيض هاجوس القصيد اللي تهيض بْه الصدور
شَفّ الخيال الشره يرقى معْ بعيدات المنال

لو اسهرت عيني وتعب الفكر ماني بمعذور
عندي مهمه واتحمّل لجلها دْروبٍ طوال

رقيت عسرات الجبال او غصت غبات البحور
صيد الشوارد غايتي لو دونها بْحور وْجبال

ابي الى من كبرت الظاله وجاءْ للشعر دور
والسالفه تدرج ومعها الكيف في صفر الدلال

ثم انصتوا لمسيرات المعرفه كل الحضور
ما اقول قول الا يجمّلني مع وْجيه الرجال

لا خذت دوري جبت لي باقه من وْرود وْ زهور
من مصدر اجزال الهجوس اللي كما العذب الزلال

احشم جناب الشعر واقدّر طويلين الشبور
اهل الحكم واهل الشعر واهل المواقيف الجزال

لهم عليّه حق والتقدير والطيب مْخبور
عند القروم اللي تروم المجد واكرام السبال

شروى الحضور اللي بكسب المدح ما فيهم قصور
زحول الرجال مْبددين الخوف في شهب الليال

فيهم نوادر مهجتي تطنخ ومعناها فخور
روابعٍ تطرب لها افكاري ويبدعها الخيال

الشعر عندي معتبر وابدعه من صدق الشعور
ولا بدعته طالب الشهره ولا شحاذ مال

ماني كما اللي يمتطي صهوته من شان الظهور
في كل وادي به يهيم وْ لا بنى بنوه هيال

وقام يتبهرج بالقصيد ويلبس ثْياب الغرور
يشوف ما لاسمه نديد وْلا معَ امثاله مثال

والشعر ما يرفع مقام الرجل لا صار مْعثور
ان كان ما به دين معْ طالت ذراع وْ طيب فال

وكرامةٍ ترفع مقام الرجل عن بعض الامور
اللي تشوّه سمعته لا هام بدروب الظلال

واختامها نفحه من الكمبود معْ بنّة عطور
يفوح معها من شذا شعري تماثيلٍ جزال

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

تسسسلم الايـآدي على روعه طرحك
الله يعطيك الف عافيه يـآرب
بانتظـآر جــديدك القــآدم

-




يعطيك العافيه يارب , ع الموضوع
دمت ودام ابداعك ف سما عشق ..

منورين بمروركم العطر

سلمت آلآكف ومآنقلت ..
لــ قلبك آلسعآدهه .