رمضان السنة دي في منتهي اللذة
دم وجثث اشلاء هناك في غزة
اطفال مش لاقيه القوت
كل يوم من الجوع بتموت
و لكل شيء له حدود
لكي ربنا يا غزة
واحنا العرب يا رياض
جه موسم الحفلات
ملايين علي البشاوات
والرقص والمزة
رمضان السنة دي في منتهي اللذة
دم وجثث اشلاء هناك في غزة
رمضان السنة دي في حاجة مختلفة
الناس في الشوارع سينما لكن صامتة
مكتوب علينا سكوت
وخايفين اووي من الموت
في تلاهي ليه عايشين
همنا لقمة وكسوة
علقنا زينة رمضان
وغنينا والله زمان
وبكرة يجي العيد
والعيد هناك لسه
رمضان السنة دي في منتهي اللذة
دم وجثث اشلاء هناك في غزة
رمضان السنة دي غير اي رمضان
الجرح فيه مش عادي الالم والاحزان
في تحت كل جدار
شهيد مع الابرار
يا قدس ليكي الجنة
وليهم اكيد النار
بكره دي جي اكيد
مش حلم ولا تخبيط
غزة مش للعبيد
غزة اكيد حرة
رمضان السنة دي في منتهي اللذة
دم وجثث اشلاء هناك في غزة
بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات
عضويتي 
رمضان السنة دي بقلمي الشاعر محمد البهلوان
العرض العادي
