فـوق آحتمالي

<b>فـوق آحتمالي

القلب صافي والمشاعر مبرّه
ياللي خبرتك دون هالناس غالي

وش فيك ضايق ساكت وماتشرّه
والعين داخلها كلامٍ يقالي

لا ياخذك فيني من الشك ذرّه
ولاتنخدع باللي هروجه هزالي

انا من الدنيا شكيت المضرّه
دنياي منها شلت فوق احتمالي

ترجع بي الذكرى والاشواق مرّه
يا كيف مرّه ؟ واذكر الوقت حالي

بالذكريات اعيش والعمر مرّه
تركض سنينه ما نعرف التوالي

أعيش به حلمٍ بصدري أسرّه
واقول يمكن ينعش الروح تالي

اتعبت عينٍ تتبع أوهام جرّه
والرجل مجهدها على كل عالي

وأبشرك نفسي بقت مستقرّه
والعين تقوى سهرها لليالي

زرعت انا لغيري ورود المسرّه
والا البشر مافي رضاهم مجالي

</b>

موضوع جميل جداً
وَ أنتقاء أكثر من رائع
كل الشكر وَ التقدير لك
يعطيك العافيه

سلمت كفوفك لطيب الجهد
وَ تمُيز العطاء
لاحرمنا الله روائِع مجهوداتك

_


سلمت الأيادي ..
ويعطيك العافية لـ جمال الآنتقاء
لروحك جنائن الورد .

انتقاء بآذخ الجمآل ,
بِ إنتظآر المزيد من هذآ الفيض ,
لك من الشكر وافره,~

/

جزاك الله خير
تسلم ايدك ع الطرح
يعتيك العافية