قصه حب حقيقيه همشها التاريخ

قصه حب حقيقيه همشها التاريخ
عــــايـش و نــوره
الحب الحقيقي لا يعرف زمان ولا مكان
قصه حقيقة حصلت في قرية قريبة من مدينة
الرياض في السعودية.
كان هناك شاب اسمه عايش يعيش في هذه القرية
وكان يحب بنت اسمها نوره ,
وفي يوم من الأيام ذهب عايش يخطب نوره
ولكن أبو نوره رفض!!!

لأن عايش كان على قد حاله وما عنده حلال
ولا عنده فلوس كثيرة فشاف عايش نوره عقب
ما طلع من عند أبوها وقالها :
نوره أنا راح يصير عندي فلوس وراح اشتغل وراح ارجع أخطبك وأتزوجك
ونوره كانت تحب عايش فوافقت إنها تنتظره...
سافر عايش إلى منطقه مرموقة في السعودية
وصار يشتغل في التجارة ومرت الأيام وصار عنده فلوس
ورجع لقريته عشان يطلب يد نوره من جديد ويتزوجها ,,

ولكن لما رجع القرية تفاجئ إن نوره تزوجت
لان أبوها أصر عليها إنها تتزوج
وكان عندهم البنت لازم تتزوج إذا جاها شاب
قادر على الزواج. وتفاجئ أيضا إنها مو بس تزوجت!!
بل هاجرت إلى مكان ثاني مع رجلها
ولا احد من القرية يعرف المكان !
فقام صاحبنا عايش وقال بيت شعر:
(أبنشدك عن نور القمر وشلون نورهـ)
وقرر يسافر ويدور على نوره..
ومر على القرية الأولى وراح وسلم على أمير القرية وقاله:
أنا عندي لغز واللي يجاوب عليه بعطية كل حلالي
فقاله الأمير وشو اللغز قال:
(أبنشدك عن نور القمر وشلون نوره؟)
احد الجالسين قال له ابيض..
واحد ثاني قاله اصفر..
وكل الاجوبه غلط محد عرف حل اللغز.
فسافر إلى قرية ثانيه وطرح عليهم نفس
اللغز ومحد عرف الجواب ..
راح للقرية الثالثة وكان تعبان من السفر
فقال لهم أنا عندي لغز
واللي يعرف يحله بعطية كل حلالي
(أبنشدك عن نور القمر وشلون نوره؟)
محد عرف الجواب..
فقالهم أنا اليوم بنام عندكم لأني تعبان
واللي يعرف الجواب يقوله لي الصبح ..
ومن بين الحضور كان زوج نوره موجود .
فرجع للبيت وقال لـنورة :
جانا اليوم واحد خبل يقول عندي لغز
واللي يحله بعطية مالي وحلالي كله,
فقالت له:
قولي وشو اللغز يمكن أحله قالها:
(أبنشدك عن نور القمر وشلون نوره؟)
فبتسمت نوره وقالت له :عرفت الجواب
قال لها :صدق؟
قالت له :
(مثل السمك في البحر وشلون عايش؟)
فقام الصبح رجل نوره وراح وقاله: أنا عرفت الجواب
فقاله :وشو ؟؟
قاله : ( مثل السمك في البحر وشلون عايش ؟ )
فابتسم عايش وقاله هذا مالي وحلالي وسلم لي على نوره !!

كل الشكر لاناملك
لروحك وهج النجوم
ولانفاسك عبق الورود
ولك جنـائن الجوري واللوتس
تقبل تواضع مروري
تحياتي الرقيقة لرروحك

موضوع قمه في الروعه والجمال
اسعدني جدآ التواجد هنا
الله يعطيك العافيه

سلمت يداك على الطرح الطيب
لاعدمنـآ هذا التميز
يعطيكـ ربي العآفيه
لك خالص احترامي

•.

سلمت أناملك على الطرح المميّز
ويعطيك العافية على المجهود المبذول
ما ننحرم من فيض عطائك وإبداعك
لك تحياتي وفائق شكري
ولك كل الود

بنت الرافدي
اسعدني تواجدك ونثر حروفك العطره
مودتي التي لا تفنى