نصيحة غالية لكل رجل

بكل تأكيد فترة الخطوبة كانت الحياة وردية وكانت الهدايا كثيرة وكانت الكلمات ممتعة والمشاعر ملتهبة والأحاسيس مضيئة والعيون لا تفكر فى النوم مطلقا فالعقول هائمة والقلوب متعطشة لإرتوائها بكل ما هو ساحر ومفعم بالطمأنينة لنسج أوتار الحب فى هدوء وصمت



تأتى ليلة العمر يتمناها كل إنسان



ومن بعدها شهر العسل



شهر العسل لا يحتاج إلى تعامل من نوع خاص فهى مرحلة مباح فيها فعل أى شئ من غير حدود وأحيانا بحدود على حسب عقلية الزوجة وسواء كانت العقلية ناضجة أو فارغة ففى تلك الحالتين شهر العسل مرحلة أجبارية على الزوج والزوجة ويجب التأقلم على ما بها حتى يمر العسل مرور الكرام .



مرحلة ما بعد شهر العسل



الدخول فى نطاق الزواج بصفة رسمية بحتة



فالزوجة بيدها تجعل حياة أدم بالكامل عسل % عسل إذا كان هناك ترابط وثيق بالعسلين فأنا قولت عسل % عسل يبقا أدم عليه برطمان عسل وحواء عليها برطمان عسل علشان يكون فى تعادل فى البرطمانات لكن مش شرط علشان حصل أتحاد هتكون الحياة عسل فمن الممكن يكون عسل الزوج أسود ومنيل وعسل حواء أبيض ومنور أو العكس صحيح .



كلامى واضح ومفهوم يا آدم

فلا تلوم زوجتك على برودة مشاعرها معك طالما سيادتك بارد المشاعر



فالزوجة كائن رقيق كمثل فاكهة الفراوله فأسأل يا صديقى المزارع كيف يلتقط الفراوله من الأرض فأنه يلبس جانوتى نظيفا جدا ويقوم بألتقاط الفراوله واحدة واحدة وبشكل منظم وهادئ فالمرأة هى الفراوله يجب بأن تحسن معاملتها حتى تحسن معاملتها معك فإن أخطأت فأعتذر ولا تكابر بأنك رجل فالرجل إذا لم يعتذر فلا يستحق بأن يكون رجلا فالرجولة مش شويه شنب تحت الأنف يا صديقى



حواء من حقها أنها تتدلع عليك لأنها رقيقة أوى وناعمة جدا وكلها حنية ولو مش هتتدلع عليك هتتدلع على مين مثلا على البيه البواب



فلازم تقدر دلعها ده وتحترمه وإياك ترفض دلعها حتى ولو كنت راجع من شغلك مضروب من رئيسك على دماغك بالجذمة القديمة



أفصل حياتك الشخصية عن شغلك نهائيا



لو دخلت شغلك فى البيت يبقا عليه العوض بيتك هيولع إلا لو زوجتك حبت تعرف أيه الأخبار بس رأيى أنك تتفق معاها من الأول الشغل حاجة والبيت حاجة بلاش نتكلم فى أمور الشغل فى البيت سواء بالإبجاب أو بالسلب



خليها مثلا بره البيت على الأقل الواحد لما بيخرج بره البيت ويتكلم فى حاجة ممكن يروح ينسى هوا قال أيه أصلا لما كان بره بس طول ما أنت فى البيت وبتتكلم فى الشغل مع جو البيت والخنقة والضيقة ممكن الكلام يسخن والبيت يولع وساعتها محدش هيسلفك مروحة أو تكييف وساعتها هتروح ياريت اللى جرى ما كان وتعيط وتقول لله يا محسنين



فبلاش تعكنن على نفسك وصدقنى زى ما قولتلك خليك شايل برطمان عسل أبيض وقولها ده هدية منى وخد منها برطمان عسل أبيض هدية وأتحدوا وبنية صافية أنكم مش هتزعلوا بعض أبدا وهيكون فى عدل فى المعاملة وفى كل شئ وخد منها وعد تعيش معاك على الحلوة والمره وأوعدها أنت كمان أحسن يجيى يوم تفلس تاخد العيال وتقولك أنت مخلوع وتعيط تانى وتقول لله يا محسنين وأنت مش ناقص بصراحة



صدقنى حواء مهما كانت قوية وصاحبة سلطة فهى أرق مما تتخيل وممكن بوردة تصالحها وبكلمة حلوة كمان بس بلاش بحبك علشان بقت قديمة فكر فى كلمة حلوة تخرج من قلبك



نصيحة أخيرة لآدم

أتعامل مع زوجتك بعفوية وبتلقائية وقسما عظما بأيات الله العظيم هتعيش عيشة زى الفل وحياتك بنفسج % بنفسج

شكرا لكم على الطرح الرائع
اتمنى لكم المزيد من التالق والتميز
يعطيكم العافيه على تقديم ماهو جديد ومفيد
لروحكم جنان الورد
دمتم بسعاده لا تغادر ارواحكم

تسلم آياديك
موضوع جميل وإختيارك أجمل
كل الشكر لك على متصفحك ومجهودك
تحياتي لك واحتراماتي ~

تسلم الايـآدي على روعه طرحك
الله يعطيك الف عافيه يـآرب
بانتظـآر جــديدك القــآدم
آحتـرآمي لك

تسلم آياديك
موضوع جميل وإختيارك أجمل
كل الشكر لك على متصفحك ومجهودك
تحياتي لك واحتراماتي ~

سلمت يدآك على الطرح الجميل
بإنتظآر جديدك بشوق
الله يعطيك العآفية