أنا لاجيت أبنسـى ياحبيبـي ماقـدرت أنسـاك

تجين أو ماتجين وبالحنين اللـي كبـر فـرقـاك
فـديـتـك طعنتيـن وحســرتيـنٍ بـأول غـيــابـي
من آخر مابدى فيني عـذابك وأبتـدى مســراك
ولابي من غـلاك الاّ عـنـاي وشـدة أعـجـابـي
أنا حييت بـك صـادق غـلا والـقـلـب لاحـيـاك
غـريـبـه كـيـف أتعـب بـك كثيـر ولا تـهـنـابـي
أنا أذكر في سـلامي بالموادع ترتجـف يمنـاك
حضنتك بالغلا يوم الدموع أحضانهـا أهـدابـي
أنا لاجـيـت أبنسـى ياحبيبـي ماقـدرت أنسـاك
أنا حتى الخطأ من شأن عينـك قلـت بأسبابـي
وأنا بصدري طيوروبور جورك من هنا لاهناك
من أول مابـديـتـك حـلـم واقـع يجهـل عـتـابـي
يجـيـبـك لـي خيـالـي مندفـع وأدوّرك ماألـقــاك
سئلت الشعر عنك ؟ ولا لقيتك ياقرب أصحابي
تعـدى بـي بـحـر حبـك حـدود العقـل والادراك
خذاني موجه العاتي ورسمتك عـشـق بكتابـي
ترى كل الامل عندى شعـور أني . أنـا . ؤيـاك
نـجـســد للغـلا صـوره ومثـل ماتـريـد تلقـابـي
صحــاري قـاحله تزهر محبه لاوطتهـا أخطـاك
عـبيـر الـورد لاجــابـك تخـيـلـتـك عـلـى بــابـي
حبيبي والـطـريـق اللي مشيته في رجـا لامـاك
أموت ولا شــكيت أبسط همومه دامـك أدرابـي
كبرت وكُبْرت العبره بعيني والســبـب فـرقـاك
طلبتك لا توصلني حـدودي وأفـقــد أعـصـابـي
تعرفين بْسماك أكثرغيوم ولا مطرت من مـاك
وأنا أرضي تـشـــوم ولا مطـرك يبلـل ثـيابـي
ياليـت أني بكيت ولا دريـت أن إولـك أقـصـاك
ولكني بكيـت ولا وصلـتـك يـا أصـدق أحبابـي
الشاعر/ منصورالرويلي

سلمت الانامل الذهبيه
لما خطته لنا من عبارات
وحروف قمه في الجمال
وروعة الاحساس الصادق
دمتِ بود ..

بشكركن ع المرور

تميز في الانتقاء
سلم لنا روعه طرحك
نترقب المزيد من جديدك الرائع
دمت ودام لنا عطائك
لكـ خالص احترامي

كل الشكر علي المرور

انتقاءك جميــل
يعطيك العافيه يارب , ع الموضوع ! دمت ودام ابداعك
ودي