إن كان باقي في عيوني سواليف

إن كان باقي في عيوني سواليف ناظر عيوني واكتب اللي تشوفه الليل واجفان السهر لي مواليف والوقت يهديني عظايم حسوفه ياصدفة حبيتها دون تعريف يابسمة تجلي عن القلب خوفه ياهامة فاقت شموخ المشاريف يانظرة فيها القسى والمروفة ياأعذب من أنسام الصباحات في الريف وأجمل مدارات الفرح من كفوفه خاويت بدرك يابهي التواصيف ياعلني ما أعيش لحظة خسوفه يرجيك قلب ماعرف نبضه الزيف طول على باب الأماني وقوفه وترجيك عين بالدموع المراديف تبكي متاهات الزمان وصروفه أشتاق لك شوق القلوب المشاغيف ترجي الوصال وللمفارق عزوفه مادامني في خافقك كني الضيف أمانة الخفاق يدرى ضيوفه