دكان حارتنا

رحل جفني رديف للسهر والوقت ليله طال

وأنا متوجه وجه الغريب وكثر ترحاله

أشيل من التعب رجل الوهن وادور المنزال

وأردد بينــي وبينــي وشوفي ما يوراله

رحلت ولا تعديت المكان بأول الترحال

تعبت انخى الركايب من بقى به حمل ما شاله

نسيت من المواجع والمفاجع بسمة الأطفال

كذب وجه الطريق ويلعن الشيطان وأعماله

تعلمت وتألمت وجروحي مثخنات ثقال

رشح صدري دمى وامكنت به واحكمت باقفاله

ذكرت أجمل حكايات الطفولة يوم كنا عيال

ذكرت المدرسة وصفوفنا والدرس وأقواله

ذكرت ألعب ولا أتعب وأجي مستانس ومختال

ذكرت بحارتي دكان وفرحة ورع برياله

يبس حلقي لهيب من العطش والبارده بريال

كبرت ولا كبر إلا السراب وزامي ظلاله

كبرت أكثر كثير وردني والعقل تحت عقال

وأنا بي من الظما مضما قديم وكيف يرواله

تدورت الخباري بالخلا والوسم سيله سال

وأنا بعرض النفود الضاميه تشربني رماله

قليلي يا قليلي وإن نشدتك ش آخر الأحوال

أبي وش ورث رحمة الفقير لقصر عياله

أبي وش يعتري نبض المشاعر والصدور غلال

أبي وش يقهر جيوش الظما وإن وردك لاله

أبي من كسر أشياء الطفولة داخل الرجال

أبي من بعثر أحلام الصغير بجوف رجاله

أبي مدري تبي مدري يبي من طاب له يحتال

لها عدة حلــول عقودها تحتــاج حلاله

بقى بي من شقاي اللي رقى روحي شلع ما نال

حمس عشب الحشا واستوقد اليشموم كرماله

بحيت من الغلا تالي سماد شب تحت دلال

اجل مثلي بطل من موقد قهوته بحث فاله

نزل جفني كسير للتعب والفي تحت الجال

غشاه من الكرى يعتب علي حل منزاله

يَآَ مَآَلْ اََلَعَآَفِيَهَ
لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كُْلَ مَآتَجَلَبَهْ أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

يسسلمو ع المرور

سلمت اناملك على الإنتقاء
دمت بسعادة بحجم السماء
مودتي وتقديري

شكرا لكم ع المرور اسعدني الحضور

تسسسلم الايـآدي على روعه طرحك
الله يعطيك الف عافيه يـآرب
بانتظـآر جــديدك القــآدم
آحتـرآمي لك