./
نامت اللهفة على رمش السهر
قام بوح القلب في حرب الهيامـ
يوم شفتك كانت الساعة مطر
والشوارع مزدحم فيها الكلام
مثل دعوة صادقة بـ ليلة قدر
نورها يكشف عن الليل اللثام
عودك المبري زهى الثوب الخضر
ياسلام الله على عودك سلام
من نطحك يقول يشكي من فقر
من عَقبك يقول يانسل الكرام
مالك أشباه أربعين من البشر
كم شجاعٍ قدمك أعلن الآنهزام
شاف في وجناتك الموت الحمر
شاف فعيونك .. جنون الإنتقام
قلبي الملهوف .. ( قابل للكسر )
رف لك رفـراف حمامة سلام
كل نبضة شوق لك كانت عطر
كل نظرة حُب كانت لك غرام
ياعذاب الخود من بيض و سمر
مابعد زينك سوا مسك الختام
جمرتينك والمعنق والخصر
والنواعس و الجدايل والقوام
إعتبرني سيل جارف وإنهمر
من جفاف الحظ خليته غمام
( ياوجودي كان ماجاني خبر )
ويني و وين الفرح والإنسجام
شوفتك تسوا ملذات العمر
في قصور ملوك ولا في خيام
والله إن حبك لو أخيره قبر
راح اموتك حُب .. ماموتك خصام
.