سراج الشوق

اللي عشق واشتاق ياعزتيله
اله يعينه كلما حن واشتاق

لاحد يقول فلان ضيع دلليه
يمضي عليه الليل لي وقت الاشراق

يشكي سراج الشوق ولع فتيله
في داخله تصلى سنينه بحراق

بسمات عمره منه صارت قليله
يجلس قليل الهرج من كلمه ضاق

دايم هواجيه عريضه طويله
يخشى من الايام تبلاه بفراق

لا من طراله صاحبه مايجي له
وش حالة الولهان لاصار ماطاق

ماطاق يصبر عنه سهران ليله
من حر نار الحب يشعر بخفاق

من كابد الاشواق ينهد حيله
شكواه للمطلوب قسام الارزاق

دنياي من دونه وقلبه بخيله
خلن من جمع للصدق مع زين الاخلاق

خلن وفالي ماهفيت لبديله
قلت الشعر من شان حبه بالاوراق

به زخرفت دنياي صارت جميله
ثم ازهرت بالورد يوم الهوى راق

عديم لو دورت غيره مثيله
ملقاه لو قضيت عمري على ساق

اكبر ربح في العمر واكبر حصيله
يوم اتفقنا في المشاعر والاشواق

فخامة حرفك وطريقة طرحك
فاقت واستقرت بقلوب ال روايةة عشق
الحروف والجمال هذا ابدعتِ ابدعتِ وقليل عليكي
كلمه الإبداع بل فقت سماء الإبداع
سلمت كفوفك ي جميل ع القلم المميز والف شكر

طرح موفق ربي يعطيك العافيه
ولا ننحرم من جديدك الدائم
تحياتي

موضوع رائع ومميز
طرحتى فابدعتى دمتى ودام عطائكِ
سلمت اناملكِ على الجلب المميز
اعذب التحايا لكي
خ ـالد الشاعر

ربي لايحرمنا من هذا القلم الذهبي

دمت ودام قلمك

سلمت يمناك على هذه الطرح
اشكرك كثيرا على حسن اختيارك
تشرفت بالمرور بمتصفحك.
لك الود والورد.