دوك السويك وشغل الفرت يامنير

دوك السويك وشغل الفرت يامنير
افحص علاه ودخله بالكراجي

اللى يبا بنزين ركب بواصير
واللى تباه النار ركب بواجي

واليا استعد وصخر البعد تصخير
تصخير شيهانن لفرج الزراجي

عده علا اللى مايعد المخاسير
ركاز عمدان الخشب للنعاجي

ثم قل لبو بندر ترا وقتنا غير
تبدلت سحب المطر بالعجاجي

وشيوخ نجد اللى تهد الطوابير
ينثر لهم حب سوات الدجاجي

اما من المشرق تثور المعاصير
ولا من المغرب يهب العجاجي

يبكي أسيوف سمرة نجد تسمير
تسمير عود العاج في عود ساجي

حدنا بن هندي محمد من ورا النير
والفرم محسن عقبنه اسواجي

ربع رسو بين الحذيفين يامنير
مسلموا لدور الباج باجي

واليوم ناطا نجد مثل الدواوير
نقضى الزوم ومسرعين الهجاجي

رحنا ندوج وأنتسمى المناصير
نمشي على البيداء بليا مزاجي

ويوم أن نجد إلنا بوسطه مسايير
واليوم نجد لشيوخ روق ......

ومتى يجي في نجد حسن التدابير
متى يجي للصابرين أنفراجي

سلمت.. أنــآآملكـ..على..الطرح.الرائع
دامت..صفحاتكـ..بهذا..الرُقي
بانتظــآآر.. قـآآدمِكـ.. الأجمل
كــــــل ..الـــوود..بعبق.. الــوورد

شُكرآ لِمروركُم يَ رفَآق
لكلمآتكُم وقعُ المَطر على آرآضٍ مُجدبة ")
آحييتُم دآخلِي بصدقْ
دُمتم لِي شمسآ لآ تغيبُ آبدآ

ابيات رائعه
صح لسان شاعرها ويد ناقلها
احسنتي الاختيار والطرح
يعطيك العافيه
دمتي بسعاده

طرح بقمة الذوووق والرووعه
تسلم أيدك ع الطرح المميز لاعدمنـآك
بانتظارجديدك بكل شوق

وَعَطرًا َيَضُوع مابينَ أنَـــاملكم بِـ فِتنَة ... بِكم تَكـــاملَ رونق رواية عشق وتمَيِّزْ.. لِ متصفحكم الرائع يَنْثنيِ جَسَدِ الجمآل شُكرًا مُثَــناةٍ بلا تَوَقف ..